南韓研發了豬流感疫苗，萬歲！除咗人類健康，高麗國亦關心遊客福祉，好似最近當地推出咗國際計程車服務，絕對是遊客一大喜訊。國際計程車暫時有英日兩種語言，中文版預計9 月誕生。假如你需要坐的士，只要打個電話去英、日文服務人員專用傳呼中心（1644-2255 ），或上網頁（
http://www.internationaltaxi.co.kr）預約，就會有架塗上橙紅色國際計程車於指定時間在閣下面前出現。佢仲有一個體貼到無倫的服務：可以簽卡找車費！不過車資就比一般的士貴約兩成，個人認為如果由機場出酒店，作用不大，計落最適合那些一日內要去多個景點嘅自遊行旅客，因為你可計鐘包車，全日12 小時收費約$1,248 （韓圜200,000 ），8 小時就$780 ，如果多人share ，不算貴。
