英皇一姐容祖兒噚日朝早甩底東亞運動會活動，下晝竟現身新城，佢話要去參觀汽水廠而缺席喎！
馮仁昭
馮仁昭四圍超
官恩娜、肥媽同周麗淇等一班歌手噚日朝早到九龍公園，出席東亞運動會嘅活動。
陳偉霆同泳兒向東亞運活動方面話有工作在身而缺席，但過咗幾個鐘後就現身無綫記者會。
官恩娜、周麗淇和Soler 等30 幾位歌手，噚日喺尖沙嘴參與「2009 東亞運動會義工計劃」開幕禮，齊唱廣東話主題曲《衝出世界》，不過出席嘉賓名單上嘅英皇歌手容祖兒、泳兒同陳偉霆，全部以有事為由缺席，鄭融就話病咗嚟唔到。
大會首播五地歌手代表陳奕迅、任賢齊、中孝介、蔡妍同朱哲琴獻唱嘅國際版主題曲《You are the Legend 》，唔知祖兒係咪呷醋冇得唱而缺席？
但係祖兒呢頭唔出現，嗰頭下晝就喺新城接受訪問，佢解釋話要參觀汽水廠，所以一早通知大會缺席，可能大會冇取消佢個名，而泳兒同陳偉霆下晝現身尖沙嘴出席無綫記者會。講到有指古巨基過檔英皇，祖兒話冇打聽過，只覺得公司多啲男歌手係好事。
官恩娜呼寃
早前有消息指官恩娜拋胸求情免抄牌，佢噚日大呼寃枉，話當日抄佢牌嘅係女警，佢絕對冇求情。當知道被影到車內有粉紅胸圍同打底褲，佢即刻不知所措話冇印象，強調自己唔會亂放內衣褲喎！
