周秀娜與邱禮濤會面逾1 小時，至下午2 時許才風騷離開。
當街撕爛衫晒33D 上圍，周秀娜（Chrissie ）自此成為網民性幻想對象，最近有指她憑天賦本錢，成功揮低TVB 一眾當家花旦，在即將開拍的《Laughing 哥前傳》中飾演Laughing 嫂一角，與謝天華齊齊laughing 。
上周六（9 日），記者發現周秀娜現身新蒲崗，與該片導演邱禮濤會面，傾劇本傾足一粒鐘。當日周秀娜明顯有備而來，上身雖然包到實，但熱褲上陣，長腿一覽無遺。
周秀娜有翻版樂基兒稱號，憑其33D 驕人身材，除了密密行騷外，亦迅速踩入電影界。
謝天華憑《學警狙擊》Laughing 哥一角人氣勁升，無綫還徇眾要求在6 月開拍電影《Laughing 哥前傳》。
謝天華鹹魚翻生的副產品《Laughing 哥前傳》下月便正式埋位。據知負責揼水開戲的TVB ，為免電影版與劇集感覺相似，刻意避免選用太多TVB 演員，現時電影已落實有黃秋生和吳鎮宇兩位影帝助陣，女角人選也很多，無綫花旦中，有電影演出經驗的徐子珊已落實其中一角。
餓男勁
下午1 時，身穿熱褲露長腿的周秀娜乘的士抵達，步行至商業大廈的短短路程，有不少「餓男」到實。
上周六（9 日），本刊拍得大熱天時穿長袖西裝褸襯熱褲的周秀娜（Chrissie ），到達位於新蒲崗的「老友記電影製作室」，與《Laughing 哥前傳》導演邱禮濤會面。據知邱導演今次睇中Chrissie ，除了因為她身材有睇頭外，亦被她那把低沉鵝公喉所吸引，認為適合當黑幫大哥背後的女人，加上用新人的片酬唔貴，10 萬元就有交易。今次Chrissie 在戲中將會與謝天華有親熱戲，更有多場黑幫講數場面。稍後她更會擔正邱導演於8 月開拍的另一套驚慄片。
現時謝天華正忙於趕拍TVB 劇集《老公萬歲》，他接受記者電話訪問時表示，對於《Laughing 哥前傳》女主角是誰冇所謂，他說：「我對Chrissie 有少少印象，但我未見過佢真人，冇同佢傾過偈，連佢幾高都唔知。我最初知女主角係有幾個人選，交晒俾導演處理，如果導演真係搵佢拍，證明佢都有一定啲實力同演技。」
Chrissie 出道僅年多，但工作量甚多。早前拍攝詩琳美容纖體公司廣告，扯爛衫大賣火辣身材（左圖）；在電影《絕代雙嬌》亦不介意扮演醜女角色。
胸有成竹有新片約的周秀娜，之後獨自到IFC 置裝，試穿3 吋高踭鞋時，更大晒33D 身材。
周秀娜又連試了3 件低胸短裙，在鏡前不停拉扯胸前裙頭，看來唔多啱身。
事後記者再致電周秀娜，她表示：「我都好恨同謝天華拍戲，如果有親熱戲，又唔係刻意去露，我都唔介意嘅。（咁嗰日同邱導演傾咗啲咩？）主要都係講吓故事大綱，其實我作為電影圈新人，有機會同咁多好演員合作，已經好開心！」
今次無綫少有開戲，當然會益自己友，其中找來憑《跟蹤》奪金像獎最佳新演員的徐子珊，擔當《Laughing 哥前傳》重要角色。
