陳敏之身攞鞋，心口大漏，見晒肉色bra 。
上個禮拜五（五月八日），陳敏之同諸葛梓岐一齊出席BellE 活動做模特兒比賽評判，又喺現場示範著高踭鞋。
做過模特兒兼有43 吋長腿嘅陳敏之打頭陣，坐低一，立即中空，連bra 都見得一清二楚。
接力嘅諸葛梓岐見陳敏之失守，坐低試鞋時醒目用右手㩒住心口，可惜，顧得上顧唔得下，白底現形。
走光與否，其實事在人為。唔想走光嘅，可以學鄧萃雯。
星期一（十一日），鄧萃雯出席喺將軍澳東港城舉行嘅四川地震一周年活動，其間，一眾嘉賓被安排將一塊塊紅布鋪喺地做砌圖，著住牛仔短裙嘅鄧萃雯明知踎低就走硬光，為堅守防線，唯有屈曲兩腿，擰左擰右，企喺旁邊嘅司儀見佢鋪得咁辛苦，一二三，踎低幫手。安全！
話晒做過model ，陳敏之拉番好件衫，擺pose 晒腳，走光一笑置之。
一坐低，諸葛梓岐隻右手幾乎冇離開過心口，㩒實，不過，上線安全，下線又漏，白底現形。
伸手攞鞋，心口又漏罅。
雙失之後，諸葛梓岐㩒上又㩒下，好笑爆！
鄧萃雯嚴守防線 又左又右，鄧萃雯曲腳保持安全角度，司儀見佢咁吃力，立即伸出援手。
