台上蔡依林 呢招直立一字馬的確夠晒功架。
舞功了得嘅蔡依林，喺上周六晚（2 日）嘅《十大勁歌金曲優秀選第一回》，憑歌曲〈大丈夫〉得到最受歡迎華語歌曲獎。專程飛嚟香港攞獎嘅蔡依林，當然要騷一騷quali 。
正在化妝嘅蔡依林，失驚無神將隻腳抬上枱面鬆筋，坐喺隔籬嘅謝安琪嚇咗一跳。
咁大動作，梗要熱身，不過下次唔該單聲先，咪嚇親隔籬！
騷quali 前二十分鐘，喺化妝間化緊妝嘅蔡依林 ，突如其來咁撐起隻腳，坐喺佢隔籬嘅謝安琪都俾佢嚇咗一跳，佢隻腳撐吓撐吓撐咗三分鐘，之後又坐定定俾化妝師繼續化妝。
On show 時，蔡依林又唱又跳，趷晒籮柚咁，臨尾仲撐到隻腳鬼咁高，唔知仲以為佢打緊功夫㖭。
