近年香港樂壇走勢低迷，不但唱片少人買，就連演唱會都不是場場爆！台灣天后蔡依林（Jolin）和張繼聰的門票均出現疑似滯銷的情況，兩個騷都被網站PLAYROLL以低至半價招徠！Jolin明晚假紅館舉行一連兩場演唱會，貴飛$800激減至$500，中價飛$580減至$300；而張繼聰於後晚假九龍灣Star Hall舉行的個唱，貴飛$580減至$300，中價飛$480減到$250。
昨日記者到紅館視察各演唱會售票情況，Jolin的兩場騷暫只有平飛$180售罄，另一位台灣天后張惠妹於下月舉行演唱會，同樣只有平飛$380沽清！台灣歌手演唱會的門票比本地薑貴，如張惠妹貴飛就高達$980，未知是否因票價影響銷情。
昨日記者到紅館視察門票銷情，發現蔡依林的個唱仍有貴價及中價飛出售。
Twins對演唱會熱賣感到興奮，擔心體力問題拒加日場。資料圖片
林子祥賣出九成門票
至於香港歌手就威過台灣幫，吐氣揚眉！將於除夕合體開騷的Twins，5場飛已全部爆滿，只尾場餘下單丁位，而於下週五開始的9場陳慧琳演唱會，門票亦賣得七七八八，林子祥下月的4場騷亦賣出九成，只餘兩場仍有中價飛。至於農曆年開騷的溫拿騷都好搶手，7場騷平飛全沽清，貴飛和中價飛部份剩單丁位。
昨日忙著為演唱會綵緋的Twins接受電話訪問，蔡卓妍（阿Sa）開心說：「𠵱家5場係平咗紀錄，公司想加日場，我同阿嬌話唔得，一日做兩場做唔到，實在太多舞要跳，擔心體力唔得。」鍾欣潼（阿嬌）表示希望開part2，但不知能否訂到紅館期，阿嬌說：「𠵱家加緊努力地獄式綵排，希望唱好啲跳好啲。」對於票房贏了台灣幫歌手，阿Sa說：「唔可以比較，我哋5年冇開過演唱會，又踏入出道15年，我諗可能好耐冇開啩，好多朋友日日問有冇飛。」至於蔡依林經理人回應：「剛詢問香港主辦單位，說票已賣出八成，還不錯啊。」
採訪：皓騫
攝影：沈健程
張繼聰後日開騷，有網站以低至半價促銷門票（右圖）。資料圖片
from:
http://hk.apple.nextmedia ... 151210/19405662
