潮流興寫blog ，FBI 最近就發現爆衫Chrissie （周秀娜）孖住同門師妹A.Lin （裴殷）仲有「新一代邦民女」Anjaylia （陳嘉寶）喺新開張嘅jacso.hk 開blog 大晒閨房照，唔講唔知，原來一向性感惹火嘅Chrissie 都有童真一面，FBI 見佢post 咗多張喺床上攬住佢至愛嘅Monchichi 公仔相，仲嘟嘴玩唇誘，唔怪得新blog 開張唔夠三星期，已經有近5 千人次瀏覽啦，而佢個o靚模師妹A.Lin 同Anjaylia 亦有樣學樣，大晒「典」床相，不過就個個都包到上頸，乜家啲女仔喺屋企着咁多衫㗎咩？
Chrissie 喺jacso.hk 嘅blog 只開咗3 個星期，夠晒「新鮮」。
索爆比堅尼嘅Chrissie 就見怪不怪，34D 梗係噴血，不過呢個戴眼鏡閨房床照都好引死人喎，相信大把宅男同FBI 一樣希望係佢身邊隻Monchichi 公仔。
邦民女自拍
同門師妹「新一代邦民女」Anjaylia 近期嘅「港鐵記者妹」廣告日播夜播，佢亦學足師姐喺床自拍嘟嘴，上位有望呀！
A.Lin 晒病樣
另一位師妹A.Lin 就喺blog 話自己最近病咗要瞓床，雖然冚晒棉胎，但啜晒手指明sell cutie ，擺明鬥post 床照引宅男。
