同城大三辣三人行嘅張茆（右二）喺blog 中大晒佢最近去吹捧呢位中大學生嘅band 騷，仲着住低胸衫，自信返晒嚟。網上圖片
倪震當眾啜老婆贏晒，成偷啜事件大輸家嘅張茆（Miffty ）當然唔會咁易認輸，FBI 最近就聽城大二五講話佢已回復「狀態」，唔單只經常化「行」妝着低胸貼身衫返學，仲回復佢嘅反叛作風，在城大宿舍外扯煙。
張茆再次活躍喺有內地「facebook 」之稱嘅「校內網」，仲話父母老師教佢「好孩子不說謊」嚟鬧記者。FBI 想問：「父母有冇教你好女仔唔好跟有女友嘅男人偷情呢？」下次檢討吓自己先好話人。
張茆放咗張佢早排去迪士尼玩嘅相上blog ，大家睇吓佢條裙幾短。網上圖片
唔單只，FBI 最近仲發現Miffty 即刻上載低胸近照上blog ，內容提到佢好欣賞相中嘅中大男學生音樂才華，所以專登去捧場咁話，擺明示威啫。
