當年仲喺城大讀書嘅張茆，因為俾人影到同倪震喺蘭桂坊啜爆而一夜成名，但係就搞到周身蟻，一度要返內地鄉下避風頭。不過事過境遷，今時今日倪震已經同周慧敏結婚，而張茆亦同外籍男朋友K先生訂婚，影埋婚紗相好事近，大家都心有所屬。噚日張茆又喺網上貼出同未婚夫K先生嘅相，大晒恩愛，相中似係話佢哋喺情人節當日撐枱腳，從相片中睇似係喺中環ifc，不過喺邊唔重要，最緊要係張茆同K先生旁若無人，男方又跪地錫手，仲錫埋臉珠，唔怪得張茆甜到漏。
from:
http://hk.apple.nextmedia ... 130219/18169517
