Chrissie周秀娜日前替詩琳拍攝新一輯電視廣告，扮演OL 的她要在中環鬧市撕開恤衫短裙，32D 激凸身材任電車男。
榮升「黎明嫂」後，樂基兒（Galie ）身價三級跳，商場騷八萬，泳衣價十六萬無走雞，搵埋唔少的她被傳年底會收山嫁天王。
正版趕住上岸，有「翻版樂基兒」之稱的周秀娜（Chrissie ）乘虛而入，有32D 噴血身材又肯搏肯露，即使在金融海嘯下，內衣價仍急升至十萬，日前還以接近七位數字任豐胸美容代言人，厚酬之下，她亦交足功課，於中環街頭著比堅尼，任睇唔嬲！
在街頭露肉，周秀娜起初顯得有點尷尬，導演一cut 即要披番大褸，但warm up 一、兩次後已表現得好放，最終三Take 搞掂。
收足百萬酬勞，周秀娜除了噴血泳衣，亦分別以背心熱褲及deep V 上陣，拍攝當日，美容公司老闆娘（綠衫）更親手整沙律慰勞。
真假樂基兒去年同場火併，穿上比堅尼的周秀娜身材贏晒，連正版Galie 亦讚她很cute 很sweet 。
周秀娜初出道時曾與側田合作拍廣告，只穿著背心的她已搞到對方忍唔住斜睥狂。（《蘋果日報》圖片）
周秀娜唔只做model ，更殺入電影圈，去年與Stephy 及Kary 合作《絕代雙嬌》，年初更有機會參演舞台劇《我愛萬人迷》，與寶珠姐做對手戲。
Chrissie 早前已近十萬元接內衣騷，迫爆身材表露無遺。（《蘋果日報》圖片）
直迫樂基兒
出道短短一年，Chrissie 的泳衣價由最初三、四萬，急升至十萬，拍得住名模姚書軼、Amanda S.等，更直迫正版樂基兒。
「Galie 出普通騷都收八萬，泳衣價就至少十六萬至有得傾，喺香港嚟講已經係最高。雖然Chrissie 嘅普通騷價同Gailie 仲有一段距離，但因為佢身材勁又肯露，對上一次行內衣騷都收十萬，拍得住唔少一線紅模。」知情者說。
