詹瑞文與林奕華昨日為舞台劇《港女發狂之港男又瘟》試造型，詹瑞文拖着行李笑說由日本趕回香港，擺明以關楚耀（Kelvin ）和衞詩日本涉藏毒事件作主題，詹瑞文說：「我哋嘅古仔講一個港男同一個港女喺日本城偷嘢，之後俾譚魚頭學校嘅譚校長捉到，再教佢哋點樣道歉，女主角叫衞See U ，男主角叫關左搖。」會否怕惹起歌迷不滿？他說：「我哋係做畀香港人睇，係一個社會現象。家好多人都對自己嘅行為向公眾道歉，好似陳冠希、陳水扁同關楚耀。」他的學生鍾欣桐也是其中一人，問詹瑞文會否也以她作話題，他卻避而不談。
阿倫昨日談到關楚耀時心情明顯比之前輕鬆。
謝安琪表示已傳短訊慰問關楚耀。
阿倫睇契仔表現
另外，譚詠麟（阿倫）昨日自甘肅返港，被問到契仔關楚耀公開道歉是否夠誠意時，他說：「唔可以講滿唔滿意，睇佢遲啲嘅表現。」盛傳關的好友王友良在旅程同行，阿倫愕然表示首次聽聞，對於關楚耀擔心衞詩，他說：「始終係情侶。」至於關楚耀好友謝安琪前晚出席活動時則說：「我都有send message 畀Kelvin ，件事佢已經得到教訓同反省。」會否請Kelvin 做演唱會嘉賓，她說：「唔知佢暫別娛樂圈幾耐，佢幾時做嘉賓都無任歡迎。」採訪、攝影：胡比、張俊銘
詹瑞文反串以「衞See U 」造型來搞噱頭。
from
http://appledaily.atnext. ... art_id=12604243
