頻頻走性感路線的賭王千金何超蓮，前晚身穿一襲超低胸晚裝出席活動，真空上陣冇打底，風頭完全蓋過家姐何超雲。但媽咪陳婉珍對此卻睇到眼冤，還明寸女兒「咁樣不如唔好著」，更稱由明天起會盯緊女兒的衣著。
前晚三太陳婉珍出席東華三院董事局就職及聯歡晚宴，獲賭王何鴻燊及三子女撐場。近日風頭一時無兩的超蓮，穿性感晚裝甫抵
，酥胸半露的她即引起全場嘩然，她尷尬得即時以手遮胸，還撒嬌說：「你哋唔好睇啦！」並以解釋作掩飾，她說：「其實我用咗好多膠紙，黐咗好耐，咁樣著爹哋都覺得ＯＫ，都問過媽咪，（冇打底怕唔怕走光？）呢條裙冇得打底，自己都唔係好鍾意性感，以後會少啲咁著。其實都唔係愈來愈性感，爹哋冇規定我著乜，只係話件衫唔可以有粗口字，（講粗口呢？）冇可能，一定唔得。」
唔認靚過家姐
問到超蓮覺不覺得自己靚過家姐？她謙虛回應：「唔好咁講，佢有第二樣靚，佢靚啲，咁講家姐會唔開心。」
記者追問何鴻燊為何讓女兒穿得如此性感時，賭王笑言：「佢哋唔使特別（著衫）都性感，啲女覺得好正常。」站在身旁的超蓮聞父親撐她即笑著和應，賭王繼續發揮其幽默作風，笑言自己的女兒個個都靚，最靚那個重二百磅，不過三太和超雲似乎不太認同，用手在嘴邊作拉鏈狀，賭王即時停止發表其偉論。
三太會睇緊
雖然超蓮得到賭王撐腰，但三太卻明顯對女兒之衣著「冇眼睇」，寸爆女兒太鬼馬，她說：「都唔到我畀唔畀（性感），佢好鬼馬，攞本雜誌騷件衫畀爸爸睇，冇畀我睇過，如果我見到一定話唔得，因為冇得打底，（呢件係性感底線？）咁樣不如唔好著，爸爸梗係錫個女，以後我會睇緊啲。」對於超蓮說平日以跑步及食木瓜健胸，三太說女兒跟得上潮流。問到鬼馬超蓮與超雲比較，是否超雲較聽話？三太卻笑而不答。文︰名人組
第一手消息請瀏覽on.cc
《即時新聞》
超蓮擁有如此惹火的身材，相信乃得到媽咪的「真傳」。同樣性感的超雲不評論細妹是否太性感，認為最緊要靚就得。
三太出席東華三院董事局就職及聯歡晚宴，獲賭王何鴻燊及三子女撐場。超蓮有前有後，大露背的她從後看去同樣索爆。
賭王力撐女兒，沒有因她衣著過於性感而怪責她。
賭王與三太入場時，大批保安護駕。譚筠怡盛裝現身，但風頭完全不及何家姊妹。
