無
花旦徐淑敏（Suki ）和上位模劉欣宜（E Cup Baby ）昨日現身屯門時代廣場，出席PS3 遊戲機活動，兩人與數位模特兒齊齊扮成「街霸」角色亮相，以雙髻春麗造型出場的Suki ，露出一雙長腿，十分誘人。至於扮演C.Viper 的E Cup Baby 雖露出大截小蠻腰，不過由於豐滿身材被領呔遮住，失色不少。兩女即席對打遊戲機，Suki 打機時十分肉緊，又笑又叫，最後亦順利勝出。
學詠春減肥
在屋村男仔堆長大的Suki ，自言十分好勝，故小時候已培養打機的興趣。談到其扮演的春麗功夫了得，Suki 自爆原來也曾學詠春：「諗住拍劇嘅時候，唔打得都睇得嘛！女仔識功夫好有型，又有減肥作用。依家休息緊，每日都食四、五餐，咁減完之後又可以食過。」
問Suki 可擔心學功夫變「大隻」﹖她說：「紮馬會令到肌肉結實，但都冇諗會整粗對腳，之前因為拍劇停學一排，依家休息緊都打算學番。」
E Cup Baby 受訪時突然自爆上次出席活動後被指體形暴脹，令她心情不佳，她解釋其實是月事關係，並非體重上升，但近期亦有積極減肥。
文：影視組
Suki （左）與E Cup Baby 合照時齊擺出格鬥姿勢，甚有台型。
模特兒勞詠君（左）和劉佳欣亦以春麗look 示人。
兩女獲許景琛送上畫像，Suki 表現興奮。
