港女電車男網上開戰晨早白熱化，加上早前無綫《星期日檔案》煲足兩週，下集（15/3 日）訪問電車Peter 及月入3 萬港女黎潔瑩後，近140 萬觀眾（22 點）睇完即上網瘋狂討論，《檔案》監製阮小清更向本刊透露有意破天荒邀節目內港女港男，加料拍寫實題材DVD ！
本刊發現「3 萬港女」把口勁踩港男，但對住屯門居屋男友就變黐身膠水，食飯奴婢餵，搭地鐵又全程啜磨；至於電車Peter 閒時愛蒲女僕cafe 外，更愛煲煙變man 啲，港女港男真人騷，大戰繼續上演。
免費文章
Cafe 動真情
「3 萬港女」喺節目揚言拒絕過唔少電車仔，不過佢對住自己男友又唔同喎，喺cafe 更主動出擊箍實男友頸要咀嘴，月搵3 萬都可以好熱情嘅，但係仍然堅持港女特性，由男友埋單找數。
想睇3 萬蚊港女啜爆真人騷，即click 入：
《FACE 》獨家—《星期日檔案》3 萬蚊港女CAFE 攬錫
http://www.youtube.com/watch?v=bZllTs5BUZI
《FACE 》獨家—《星期日檔案》3 萬蚊港女迫地鐵磨啜
http://www.youtube.com/watch?v=hpb-bNLlqmI
香港電車仔多，港女亦唔少，撞啱無綫《星期日檔案》於3 月8 日的《港男．講女》及3 月15 日《港女．講男》再煲，連續兩集，網上再次引起激烈討論，其中不斷抨擊港男嘅「3 萬港女」黎潔瑩及其好友Louisa 亦被網民起晒底，在討論區內大量發掘二人私相。
奀型補習社
07 年畢業於港大文學院中文系、於灣仔屬袖珍規模的鼎峰補習社任教中文嘅黎潔瑩於節目中先自信表示：「我月入3 萬，想追我嘅男仔暫時嚟講冇個數囉！」又話：「女仔條件好咗自然就會嫌囉！」再於其從事銀行嘅老友Louisa 生日會中，同老死一唱一和勁彈港男妄想40 歲前退休，過於短視得把口，結果令被針對嘅港男對呢兩位自稱獨立自主、收入穩定的港女更感不滿。
港女自信金句
我月入3 萬，想追我嘅男仔暫時嚟講冇呢個數囉！
女仔條件好咗自然就會嫌囉！
其實好多時自唔自卑係你自己造成囉！
即係有咩事（指承擔責任）就……
叻呀（指自己）？咁係嘅！
兩集《星期日檔案》平均收視22 點，冇升跌，不過任職補習導師的港女黎潔瑩講嘢有態度，又鍾意加個「囉」字喺尾，班電車梗係愈聽愈「銀」耳！
吮手指
「3 萬港女」同屯門居屋男友放工搭地鐵過海去咗位於尖沙咀嘅Initial Cafe ，兩人連體嬰攬埋一嚿，忽然港女又塞隻食指男友吮，有手指食，唔怪得兩個加埋都淨係嗌一碟沙律同一碟海鮮墨汁意粉啦！
殘廢餐
Peter 鍾意去女僕cafe 享受俾人叫主人，港女男友都差唔多，全餐繑埋雙手有女友餵埋口，港女原來都有僕性，Peter 可能有機！
真面目
港女做補習老師又搵到錢，不過見佢打「喊露」又唔揞口，係咪失儀咗啲呢？
咀唔停
四圍錫
黎3 萬同男友食茶餐廳，不過網友就摷到佢好多私相，發現佢都幾多中環酒吧蒲照。網上圖片
迫地鐵磨爆
港女同男友打得火熱，行到邊錫到邊，搭電梯錫，行過月台又忍唔住錫，難得keep到咁熱情，又唔理人望，其他港女摸吓手仔都鬧，真係要向佢學習吓。
啱啱有人將女學生同男友公然喺月台調情短片放上網俾人炮轟，「3 萬港女」話晒仲係中文老師，記者目擊佢同男友由灣仔到尖沙咀，短短兩個站都在地鐵車廂磨鼻啜嘴唔少於17 次，小心俾啲學生見到有樣學樣喎！
網友解構港女公屋
網友狂鬧3 萬港女自大，仲要cap 咗電視畫面，分析港女家居擺設，又話佢欠品味，又話佢家居亂，十足當年陳冠希床照咁仔細分析，即係點？即係話港女好紅囉！
公屋富戶
港女（箭嘴）月入3 萬，不過都係慳住柴灣公屋，而且男友仲要點佢自己坐巴士，唔知同佢理想仲差幾遠呢？
居屋男友
港女喺電視度自稱冇俾月入高過三萬嘅男人追過，果然佢男友（紅圈）原來都係住平均單位市值90 萬嘅屯門居屋悅湖山莊，出入都係搭巴士，港女應該冇講大話。
3 萬慳住使
被網友稱為「黎三萬」的黎潔瑩講嘢有自信，踩盡港男唔夠班，不過本刊卻發現佢私底下早已將港男「私有化」，上週五晚（20 日），「3 萬港女」相約男友放工拍拖，雖然黎潔瑩自稱搵3 萬，不過兩人拍拖亦只選擇低消費活動，搭巴士食平價餐廳之餘，最爆係黎潔瑩於翌日（21 日）收工後再約會男友，全程目光望實男友唔驚仆親，兩人情到濃時，竟於迫到死的地鐵車廂內磨啜至少17 次，懶理途人眼光，又喺cafe 內塞隻手指男友啜兼主動攬埋一嚿談心，「3 萬港女」果然好自我。
網上圖片
黎三萬私相被摷
網友自稱喺黎三萬嘅facebook 內摷到大量自拍相，大部分都係靚女又可愛，其中一張更見黎潔瑩搏命撐手伸長對腳晒長腿，成個動作難度9.9 分，佩服。
中晒！
大眼仔、掩眼「髮」、嘟嘴、3/4 面（網上圖片）
網上圖片
港女無分日夜都愛自拍，網上「反港女聯盟」就列出港女影相指南，「3 萬港女」大頭相更加中咗「港女指引」8 成，絕對可以做人肉教材。
討論區惡搞圖片
個個都話40 歲退休，第一次就覺得好有抱負……之後……哈哈……（真實對白）
老死港女二號
港女黎潔瑩老友Louisa ，一樣有網友講，不過就冇「3 萬港女」咁激，據知佢中文名叫陳文靜，未做銀行前曾任職救生員，之後佢去咗英國讀大學，家底唔錯仲有三層樓揸手，家陣任職銀行，有好背景難怪咁自信。
網上圖片
網友將疑似Louisa 比堅尼相同浸溫泉相放上Uwants 討論區，佢亦有做埋港女指定啲勝利手勢，不過相片極速俾版主delete 咗！
港女補習社
「3 萬港女」
任職的補習社位於灣仔互信大廈3 樓，全港僅得一個教室。任教中文的黎潔瑩主攻中小學生，實行小班教學，每堂平均4 至6 名學生，每4 堂收$860 ，仲要淨係教名校生兼要有朋友介紹先可以入學。不過黎潔瑩由星期一至星期六都要由朝教到晚，3 萬蚊都唔易搵㗎！
在其補習社內免費派發的《found 》由黎潔瑩編製，內容不時hard sell 自己。
在其補習社網頁內本有詳細的黎潔瑩profile ，不過於上週五（21 日）離奇被刪走，本週一（23 日）黎三萬更請假冇返補習社，而本刊亦曾致電黎3 萬，但至週一晚截稿前仍未回覆。
