傅穎（Theresa ）與鄧麗欣（Stephy ）被傳不和到水火不容的地步，但日前二人竟離奇地一起歎茶！現場所見她們雖然交流不多，但也有互相搭訕。而二人異口同聲直認對方非
傾的朋友，但並非「世仇」！
Theresa 與Stephy 這對「冤家」每次一起出現總是面左左，但日前記者見到Theresa 在帝苑酒店與老闆黃
高及同事們飲茶，當中竟赫然發現Stephy 同場。兩人雖然沒有很多交流，但期間都有傾談。Theresa 可能飽受走音事件困擾，席間表現得鬱鬱不歡，不過當聽到同事說的笑話，她也露出笑臉。
fans 針鋒相對
當眾人離去時，記者邀Theresa 及Stephy 合照，Stephy 尷尬地帶笑對Theresa 招手：「快啲埋嚟。」Theresa 見狀也忍不住相視而笑，兩人最終大方合照。對此金牌大風發言人陳小姐說：「佢哋先後返公司開會
，成班同事一齊食lunch 好普通，唔使咁敏感。」
事後Theresa 在電話中說：「我哋唔係世仇，有啲乜嘢要憎一個人
？我哋唔係外界所指關係咁僵，但唔會刻意攬頭攬頸。其實我哋冇乜嘢，可能我哋兩個性格都被動啦！最困擾我哋係啲fans 會針鋒相對。」
直認唔係
傾
至於Stephy 也承認與Theresa 非
傾朋友，兩人是一般同事關係，她說：「啲人成日話我哋反面，愈講愈尷尬，我哋唔係有深仇大恨，只係平日唔會特登約出嚟玩，我同Kary （吳雨霏）咁熟都好少約出嚟。」對Theresa 接二連三的負面新聞，Stephy 表示：「作為同事我會支持佢，相信佢應付到，（啲人話你偷笑？）都唔係事實，我完全冇咁嘅意思，係啲炒作新聞。」
文︰音樂組
Theresa （左）與Stephy 齊表示雙方關係非如外界所指般差，絕對是「有偈傾」！
Stephy 搭著Theresa 膊頭大方合照。
二人與老闆黃
高一起歎茶，有講有笑，氣氛和諧。
