名模熊黛林與Jocelyn 昨日在中環，為珠寶品牌Chaumet 示範近4,300萬元頂級珠寶。盛傳與郭富城分手的熊黛林，穿上低胸露背裝，狀態大勇，問她失戀後為何越來越靚，她不置可否說：「唔好理啲過去咗嘅報道。」問事後有否跟城城談及此事，她說：「傾都係傾無聊嘢，呢啲新聞每年都出嚟，唔嘥時間。」
避談紀香
Jocelyn 透露7月是結婚一周年，屆時將與丈夫回夏威夷慶祝。
早前有台灣藝人暗指城城愛施展伸腳纏腿的追女絕技，熊黛林聽後即笑說：「我冇聽過，呢啲嘢我唔會問佢，睇吓自己信唔信啫，佢係一個有風度、有禮貌同gentlemen 嘅人，我識佢咁多年都好有禮貌。」對於前情敵藤原紀香與丈夫離婚，會否擔心跟城城愛火重燃？她說：「唔知點答，我唔係好了解件事，唔識答。」採訪、攝影：Law Wai Man
熊黛林被指在金融海嘯下身價依然企硬，她謂模特兒行業不用降價，只要有誠意都可有商有量。
http://appledaily.atnext. ... art_id=12576716
