賭王何鴻燊三房女兒何超雲、何超蓮青春可人，身邊不乏觀音兵，父母齊聲表示不介意女兒漁翁撒網式識男仔。將近18歲的超蓮前晚在灣仔君悅酒店出席慈善晚宴時爆孖生弟弟猷啟情竇初開，做gym 操fit 追16歲英國鬼妹仔；猷啟反擊指姐姐多人追，但眼角甚高。
賭王何鴻燊三姨太陳婉珍前晚首次做籌款主席，為推廣乳癌普查前晚在灣仔君悅酒店舉行慈善晚宴，三房舉家盛裝撐場，賭王何鴻燊以10萬元買枱，女兒何超蓮及兒子何猷啟更負責賣獎券，估計籌得逾100萬。其他出席晚宴的嘉賓包括名模陳嘉容、Amanda S.、榮雪梅和柯受良女兒柯立珍等。
賭王兒子何猷啟（左）及何超蓮前晚齊賣獎劵，落手落腳做善事。
賭王何鴻燊出錢出力，支持三姨太陳婉珍做慈善晚會主席。
姊弟互爆情事
超蓮被追問有沒有新戀情時，竟然踢爆孖生細佬猷啟追女仔轉移視線，超蓮說：「你哋睇吓細佬幾瘦，佢努力做gym ，佢有鍾意嘅人，係英國鬼妹，16歲。」超蓮更說：「唔係我介紹，佢自己出馬，家有啲眉目，係佢嘅puppy love ，佢有時扮嚟探我，乘機探個女仔。」猷啟則反爆超蓮有人追，但眼角高不接受。一身Gucci 短裙的超蓮謂服裝由賭王挑選，不時被影到穿迷你裙及熱褲的她說：「我有長褲㗎，香港熱啲呀。我平時出街時（啲衫）都會問過媽咪，唔啱就要換衫。」
何超雲被媽咪踢爆多追求者，但她想專心求學。
性感上陣的柯立珍與夫婿出席慈善晚宴。
母撐漁翁撒網
三姨太另一女兒何超雲被問到與霍英東孫兒霍啟文的戀情時，強調只是朋友，她更解釋早前被拍到的男伴是司機，現時讀大學商科專心讀書，希望將來幫父親手。三姨太陳婉珍對兩個女兒多觀音兵，絕不詫異，她說：「十八無醜婦，都係識吓朋友啫，佢哋一定要靚仔，高大威猛似爹哋。如果有幾個，佢哋係漁翁撒網，揀啱有適合會停低同一個發展。」採訪：羅慧敏攝影：黃偉雄
何超蓮甩拖半年，擇偶條件是高大威猛兼幽默。
from
http://appledaily.atnext. ... art_id=12564933
