陳冠希（Edison ）因淫照事件而被迫退出香港娛樂圈，轉攻東南亞及內地市場，而衞詩（Jill ）因涉藏毒目前仍拘留在日本。前晚Edison 和Jill 的老闆林建岳出席活動時直言Edison 犯錯是被動，相反Jill 則是自己犯錯，故此他認為Edison 應有翻身機會。
去年陳冠希因淫照事件而宣佈退出香港娛樂圈，不過近日他積極部署在東南亞和內地復出，下月初Edison 將到新加坡宣傳新戲《神鎗手》，但卻被子彈信恐嚇，人身安全受威脅。前晚寰亞老闆林建岳到會展出席活動，問到會否為Edison 準備避彈衣？他笑言：「冇用啦，我安排潛水衣畀佢，其實冇嘢擔心，Edison 自己一向都有保鑣，所以我唔會再安排。」
陳冠希因淫照事件收到子彈恐嚇信，近日其父又宣佈破產，接二連三遇上不如意事。
小齊絕不相信Edison 會自殺。
Edison 心情差
至於Edison 爸爸陳澤民將會破產，林建岳透露Edison 都已經知道，至於會否在經濟上幫助Edison ？林建岳稱：「我睇吓佢有乜嘢需要，有需要我相信佢會同我講。咁家人發生咁嘅事，加上自己又唔如意，心情點會好，所以我都希望大家畀機會佢，佢始終係細路仔，佢有罪，但都可以畀機會。」林建岳表示自己未定是否出席新加坡首映，但他強調絕不怕子彈。林建岳是衞詩的半個老闆，衞詩因涉藏毒而被拘留在日本，被問到會否同樣給她機會？林建岳則有所保留地說：「家答唔到，因為都未有消息。佢同Edison 唔同，我唔係偏幫任何人，但一個唔係自己去做錯，應該畀機會；但另一個係自己做錯，係咪要罰。錯一個係被動，一個係主動，唔通我司機撞倒人要我去坐監？」
代黎明解畫
黎明自衞詩出道以來都對她寵愛有加，對於她犯錯很心痛。資料圖片
林建岳表示和Jill 另一半老闆黎明（Leon ）會有默契，對於有傳Leon 為Jill 事件而心情欠佳兼拒絕接受訪問，林建岳代為解畫說：「我同佢講嘢又唔覺，佢當日係因為趕飛機先冇做訪問，又唔係佢食，唔係佢犯錯，點解唔答呀。」此外，任賢齊昨日到商台宣傳新碟，網上有傳聞指陳冠希自殺，小齊謂：「我都試過俾人喺網上誤傳自殺，我覺得佢性格唔會，之前嘅事（指淫照事件）佢都冇自殺，傳聞都儍嘅，正常推理如果傳佢中槍仲似啦，反而可能我會信。」採訪、攝影：胡比、王連連
林建岳坦言Edison 和Jill 犯的錯不同，他希望外界給予Edison 機會。
from
http://appledaily.atnext. ... art_id=12551093
