你好靚仔呀！（真實對白）
舊年，《溏心風暴》橫掃「壹電視頒獎禮」，今年，原班人馬嘅《家好月圓》亦成為上星期三（三月十八日）舉行嘅「壹電視頒獎禮2009 」大贏家，十大電視藝人，排名按先後：林峯、蔡少芬、楊怡、陳豪、米雪、鍾嘉欣、夏雨、佘詩曼、李司棋、胡杏兒，《家好》演員佔七席。
一落台，蔡少芬就忍唔住同初次入選「十大」嘅楊怡抱抱。
無論戲好劇好定人氣夠都好，攞獎，結果證明一切。八珍最想恭喜，係响08 年無綫萬千星輝頒獎禮攞咗「飛躍進步女藝員」嘅胡定欣，99 年打入新秀四強至今，入行幾近十年，再獲觀眾投票選為「最有前途女藝人」，再多一分肯定。
壹電視頒獎禮後兩日，胡定欣喺個人網誌留言：我唔知我嘅前途係點，不過我會盡力做好我自己本份，希望將來有機會成為十大電視藝人。
就以98 年無綫藝員訓練班畢業，今屆壹電視十大電視藝人楊怡為例，第一次攞，就第三位。得咗！
喊，係開心加感觸嘅胡定欣，一攞住個獎就不停流眼淚，連台下嘅胡杏兒、佘詩曼都被感動。
胡定欣喺blog 上多謝投票俾佢嘅朋友之外，仲大讚：阿怡（楊怡）好叻！
米雪同夏雨仲有李司棋三個憑《家好》入選「十大」，由於司棋姐人不在港，未能親自到場攞獎。
喺「08 年萬千星輝頒獎禮」輸咗俾夏雨，做唔成視帝嘅林峯今次終於勝出，成為「十大」第一位。
連續兩年成為大贏家嘅《溏心》監製劉家豪（右二）同老婆梅小青（左一）、高層樂易玲、陳豪、夏雨合照。
雖然唔係主角，但頒獎嘉賓古天樂啲fans 仲要比一眾無綫藝人多。
