32B 徐子珊一見36D 趙碩之「胸降」賭枱，即刻將活動嘅貼紙貼喺左胸，梗係啦，守住個龍緊要呀！
論火力，齋睇牌面，32B 徐子珊邊有得同36D 趙碩之鬥吖？不過既然同場遇到，過兩招都在所難免㗎喇。
上星期四（19 日）徐子珊以單肩低胸性感連身裙到澳門出席德州撲克慈善大賽，就遇到低V 露半球嘅趙碩之喇。以波論波，懸殊程度都皇馬對南華㗎喇，所以徐子珊都醒，活動中途索性用張本來貼喺膊頭嘅貼紙封住個胸一了百了，唔正面交鋒咪博穩守等吹雞完場囉，叻女！
36D 趙碩之就話自己唔係專登低胸，「我尊重大會，所以自己畀錢買咗呢條BCBG 裙，唔係專登（性感）㗎！」
36D 趙碩之出擊。同新葡京高層握手，你睇阿碩之用雙手一夾再緊握對方隻手幾誠懇。
32B 徐子珊，上台同新葡京高層握手時，子珊下意識用左手揞住自己個心口驚死蝕底，禮儀嚟啫，大方啲好喎。
