「佢哋就係仲差你（劉德華）就集齊一套。」口沒遮攔的吳君如上月在《星星同學會》，首次爆出隱身娛圈多年的「集郵女星」，從而引爆娛圈鮮為人知的淫亂史，令一眾一線女星成為嫌疑人物。
正當吳君如怕得罪人而反口之際，這股「集郵風」原來已吹到台灣。在上周播出的台灣節目《王牌鑑定團》，有嘉賓大爆圈中曾出現「集郵男星」，此男星曾與五名港台一線女星上過床，更衰到𡁻完唱。
其實被喻為「大染缸」的娛樂圈，又豈止得兩名集郵王搞三搞四。隨喺「集郵男星」被爆，圈中多名愛嗒一線花旦的男藝人亦紛紛被揭，6 名男藝人的識食程度，絕對稱得上「食家」。
鍾嘉欣：「我入行五年完全冇呢個經歷，可能暗示過（指「集郵男星」）我都唔識，我形象又比較健康，會嚇怕咗好多男仔。其實呢個圈好多健康artiste ，犯錯過我唔會歧視。呢個行業上晒電視，好多人都當我哋榜樣，所以我哋要特別小心，希望唔好再有呢啲消息。」
呂良偉：「依家嘅人玩到冇嘢好玩咁，已經去到諗埋嘅變態嘢，其實呢個風氣不可長，呢啲咁嘅嘢（指集郵）搞到好混亂咁！我本人信佛教，覺得人嘅道德觀念好重要，咁人都健康嘅，亦會開心嘅！」
佘詩曼：「集郵呀？係咩？我冇聽過，點先叫集到郵先？冇人搵我集！」
陳豪：「咁一齊拍戲，玩吓或者笑吓都一定有嘅，但係講到『集郵』
喎，我真係唔多知有冇。我覺得近排娛樂圈傳得太多呢種嘢啦！鹹豬手傳完，又輪到集郵女星，依家又講乜嘢集郵男星，我覺得娛樂圈近期唔夠正氣，唔好吹咁多歪風。」
上周三（11 日）台灣年代Much 台一個清談節目《王牌鑑定團》食正「集郵」熱，主持人本想將節目內容圍繞「集郵女星」豈料有嘉賓惟恐天下不亂，爆出圈中亦有「集郵男星」，更踢爆此男星有鋪𡁻完唱癮，擺明戥被他集過的女星不值，誓要抽出這賤男。
台灣節目爆出「集郵男星」後，鄭浩南和苗僑偉等人均被牽連，事後鄭更表示要與公司商量是否採法律行動。
馬德鐘：「話嗰個集郵男星拍過三級片呀嘛，我都冇拍過三級片，我拍嗰部頂多咪二級半，呢個point 都唔中啦，講到好似個個都做呢啲嘢咁！」
馬德鐘曾與郭羨妮、佘詩曼等一線花旦合作，部分古裝和民初劇集均要到外地拍攝。
無線下令封口
該節目中提到「集郵男星」屬肌肉型、曾結過婚及拍過三級片。圈中有此三大特徵的男藝人比比皆是，人才濟濟的TVB 隨即成為「集郵男星」的競猜熱點。自經過「鹹豬手」和「八大蕩花」兩役，據知TVB 嚴正對待今次事件，除即下令各藝員封口，以免將小事鬧大，部分藝員更被照肺，建議他們私生活檢點嘅，務求杜絕一切破壞公司形象的機會。
至於節目中提及成為「郵票」的五名一線女星中，只有一名女星的身份能夠有跡可尋。該名嘉賓透露，此女星曾在國際影壇得獎外，前夫是一名導演，現已定居海外。
娛樂圈五光十色，誘惑多多，淫亂史的確數之不盡，本刊從多個途徑得知，圈中有六位男藝人，專向一線女星花旦埋手，部分男藝人至今依然活躍娛圈。
估唔到君如早前自創的「集郵」一詞，會火速在台灣發揚光大，當日《王》節目中，更播出君如與劉華的訪問片段。
羅霈穎爆出「集郵男星」，其一特徵是滿身肌肉。
不久，許聖梅又提到知道曾有一位導演老公的女星，與該「集郵男星」有一手。
許更忽然爆出周慧敏曾與劉華有一段情，孰真孰假，真的無從稽考。
台版《星星同學會》激爆
日前台灣一個類似吳君如《星星同學會》的清談節目《王牌鑑定團》，嘉賓們大爆圈中有「集郵男星」，專嗒一線女星，其特徵是身形精鋼，結過婚離過婚，亦拍過三級片，隨即引來軒然大波。
嘉賓之一羅霈穎雖然「
名爆」，但事後她開古，更把名字寫在紙板上，僅讓在場嘉賓知道。
羅嘉良最為人印象深刻的緋聞，是02 年與宣萱的撲朔迷離關係，當年更指男方返家遇交通意外，身旁女伴急忙離去，這女伴被傳是宣萱。
同樣夥拍花旦無數的中生陶大宇，07 年中與郭羨妮合作拍《學警出更》而傳出緋聞。
高材生開房門誘女
吳君如早前踢爆「集郵女星」出埠拍戲時，開定房門等劉德華大駕光臨，原來圈中亦有另一名食家「高材生」有此癖好，專引花旦落搭。身形高大嘅中生「高材生」雖然已婚，但佢認為不忠無罪，經常向一眾花旦大獻殷勤，專同佢哋黐身黐勢，私底下又狂send sms
女。
最離譜嘅係佢永遠假戲真做，同班花旦做親熱戲時往往放足電俾晒暗示，每次出trip 拍戲，佢都自動波一早將自己酒店房號俾晒班花旦，又口甜舌滑同班花旦講自己同老婆冇晒感情，準備離婚，搞到某嘅本身都姣氣攻心嘅花旦自動入房獻身。「高材生」以為淫招可以瞞天過海，點知有次同蕩花搞埋斷正，搞到「高材生」依家俾正印判監守行為，真係抵佢有今日。
成龍入行近40 年，夥拍過不少靚女及當家花旦，章子怡在片場更曾為他接提子核。
譚詠麟和曾志偉均是圈中具影響力人馬，多年來與不少紅星合作，與曼玉更是老友鬼鬼。
阿叻陳百祥拍過不少「追女仔」系列，曾與張慧儀傳過緋聞。
性慾強急搵女撲火
喺娛圈有地位又有勢力嘅阿哥級人馬「性慾強」，簡直係一名殿堂級食家，嗒女無數，想要食邊件，絕對冇人敢say no ！「性慾強」有名你叫，當然不可小覷，話說有次佢同一位索爆女星拍場普通文戲，「性慾強」見到呢位女星喺咗一套大低V 晚裝到片場，立即性急「扯」火，拍咗一陣已經急不及待下令全廠人收工。「性慾強」支笛冇人敢唔聽，於是當晚文戲拍唔成，翻雲覆雨嘅情慾戲就喺酒店房不停encore 。
雖然「性慾強」財雄勢大，可惜出手相當孤寒，事後呢位女星竟然收到一條cheap cheap 皮帶作為酬勞，認真陰功。仲有呀，「性慾強」最叻𡁻完唱，佢班老友經常聽到佢批評一眾花旦床上功夫點唔掂，仲要開晒口話部分花旦床前床後兩個樣。冇品到無譜。
安志杰憑健碩身形和武功底子，經常被睇中拍攝動作片，去年就騷肌肉與JJ 拍攝《內衣少女》。
吳京甫出道已被譽為打得之人，與他合作過的花旦姐仔亦不少，同公司的則有Theresa （左一）和Miki （右一）。
謝霆鋒近年頻接動作片，如《龍虎門》和《新警察故事》，而在《男兒本色》中則與江若琳演對手戲。
好打得教功夫抽水
顧名思義，食家「好打得」當然擅長拍動作片，佢亦係近年冒起得頗快嘅男演員之一，不過「好打得」原來打得之外，同樣抽得……係抽水嗰個抽。話說佢經常以教功夫為名，向一眾女主角施以鹹豬手，睇佢個款，真係估佢唔到。
其實「好打得」
功亦極之了得，一兩句甜言蜜語，附送一個爛gag ，就搞到女星神魂顛倒，佢又經常主動出擊，約同戲女主角收工打邊爐消夜，最後當然直落收場。直落幾次之後，班女主角就自動等埋「好打得」收工，齊齊返歸交流床上功夫。最近「好打得」仲迷倒出名貪慕虛榮嘅姣精，憑住獨門招式，令姣精洗盡鉛華，甘心服侍佢一個人，「好打得」嘅功夫似乎好到家。
女人緣不俗的陳小春，雖然拍電影居多，但亦曾夥拍佘詩曼拍電視劇《鐵咀銀牙》。
余文樂與Theresa 在《百分百感覺2003 》有激咀鏡頭。
鄭中基經常與同公司的Miki 在電影中合作。
大抽男搞盡女同事
「大抽男」生性風流，可惜其貌不揚，為咗食盡天下美女，惟有使出撒手
。雖然搵得唔多，但為咗令到班美女心服口服，經常搜羅一嘅獨家潮物贈佳人。「大抽男」食得唔好
，為求貪方便，經常向同公司嘅女藝人埋手，幾乎同全公司嘅女藝人都有親密關係。佢亦投女星所好，收到風公司某女藝人有升仙習慣，於是大量提供迷煙去換取魚水之歡。有排「大抽男」愈玩愈放肆，竟然將屋企變為有烈酒同臭煙供應嘅私竇，宴請圈中一班身材fit 爆嘅模特兒同花旦，喺家中放縱淫慾，認真狼死。
白無常蒙面驗貨
「白無常」憑住佢超班嘅靚仔樣，差唔多集齊當今最hit 嘅女星同歌手，就連合作無間嘅保守型中女都俾佢食埋。佢食得好穩陣，從來冇被人斷正過，係有時拍拍吓戲，會同女主角雙雙無故失蹤。冇戲開嗰陣，「白無常」會搭直昇機飛去澳門，book 定間酒店總統套房，然後就call 相熟中間人，唔係一流貨色唔食。為咗保密，每次睇辦時，都用酒店大毛巾包實成塊面。有次「白無常」同「癲喪」返大陸拍戲，「白無常」事先張揚話會搞掂「癲喪」，「癲喪」不甘被玩，竟先主動送秋波，兩個約實埋牙時間地點後，「癲喪」就放佢飛機，搞到「白無常」㷫爆，自此二人口和心不和。
公認靚仔的吳彥祖，07 年拍《夜宴》時與影后周迅肉帛相見（小圖），而在《千杯不醉》中，又與中女千嬅激咀，認真好艷福。
古天樂：「我呢排喺內地拍戲，都冇乜睇到香港嘅新聞，所以唔多清楚乜嘢集郵男星，我個人比較鍾意少說話多做事。講到乜嘢集郵男女，我覺得每個人做好自己本份，咁成個娛樂圈都會好嘅！」
04 年，古仔與身高有番咁上下的梁詠琪，在《戀情告急》有過床上戲。
型仔古天樂多年來與不少女星傳過緋聞，早年拍《寵物情緣》就被指與Sammi 關係親密。
近年上位奇快的國內小生黃曉明，在《鹿鼎記》內有7 個老婆，較為港人熟悉是應采兒。
導演葉念琛曾因拍攝電影而與Stephy 傳緋聞。
近年較少露面的王晶，早前就在電影《有隻殭屍暗戀你》的記者會上，與身材惹火的國內女星孟瑤合照。《蘋果日報》圖片
曾被拍到購買色情影碟的谷德昭，與不少當紅花旦如千嬅、鄭秀文合作過。
「魔導王」捧女星上床
「白無常」拍親戲都必定同女主角有一手，不過有江湖地位嘅導演「魔導王」仲把炮，出錢開戲將當時藉藉無名嘅女星捧起之餘，仲捧埋上床，實行公器私用。圈中有唔少女星都同佢有路，無非都係想一嘗電影女主角滋味。據知曾經被「魔導王」食過翻尋味嘅女星，依家有唔少都息影。佢最近就睇中新晉女星「波波」，仲嫌齌喺屋企食唔過癮，喺港島一間酒店，長期book 咗間房做炮房，為咗食女認真大費思量。
林
：「集郵？我唔明喎！我冇睇過。工作以外嘅，對唔住，我唔講，因為好多花旦工作上都合作過，大家全部都係兄弟姊妹。」
馬國明：「我對睇呢啲新聞唔會咁認真，好似之前傳鹹豬手咁，我又唔信咁多女星俾人非禮會唔去報警
。上次傳集郵女星，今次傳集郵男星，我都係當娛樂新聞咁睇（有冇女星想『集』你？）吓！咁又未試過，我都想俾人集吓呀。」
陳樂榣：「集郵已經夠衰，𡁻完唱簡直賤到無倫，我覺得呢啲男星好幼稚，要去show off 自己食過幾多女，冇人會覺得呢種男人型囉！交男女朋友真係要小心！未試過有人提出『集』我嘅要求，可能我未去到呢個位，除非係金城武啦，其他人我係唔會考慮。」
王祖藍說：「早排集郵女星，我見有嘅人亂咁爆嘅，都唔知係咪真嘅？可能近排嘅郵費貴。就算係真，點會咁蠢周圍俾人知，一來我覺得嘅藝人唔會咁曳，二來我哋都好正面、好乾淨，管理層日日都好緊張，個風氣都比較好。」
江欣燕：「嗰日聽君如講，我都
聲笑，我諗佢形容得誇張咗啫！你話集郵嗰嘅嘢，講就係㗎喇！Maggie （張曼玉）我好耐冇見佢，我識佢為人好爽，我覺得唔會係佢，會唔會係我呢？哈哈……（有冇聽過小生鍾意集花旦？）我諗佢集唔起，因為花旦麻煩！」
袁彌明：「男人女人都風流，學君如話齋，集齊四大天王又真係幾好㗎！其實大部分男仔都鍾意𡁻完唱，喺班friend 面前話同過邊個邊個上床，要威呀嘛！我就冇俾人『集』嘅經驗，但真係要提醒藝人唔好咁隨便。」
楊怡：「我好背㗎！集郵原來係嗰嘅方向呀！我相信有好多嘢都傳出嚟，我唔係好相信呢樣嘢，俾我揀，我會揀真正嘅集郵，我鍾意郵票嘅。不過圈中嘅風氣都係人為嘅，我覺得應該做好自己本份。」
