方力申與鄧麗欣（Stephy ）自傳出緋聞後，被公司捧為情侶檔拍戲唱歌銀，兩人姿態言行都交足貨，可惜此調不彈已久，難免生疏。前晚這對金童玉女現身澳門騷合唱情歌，小方伸手欲拖Stephy ，女方竟視而不見無反應，令小方尷尬不已。
方力申與鄧麗欣一對緋聞男女久未合作，前晚兩人終於「復合」，聯同古巨基、鄭中基、傅穎、蘇永康、梁漢文及側田現身澳門威尼斯人酒店開騷，入座率達九成，當中小方和Stephy 這對最受落，兩人在台上打情罵俏，好不寃氣。
「太耐冇合作」
雖然煙韌台詞背到足，無奈小方與Stephy 行動上卻沒甚默契，合唱期間，小方伸手想拖Stephy 走到台中央獻唱，但是Stephy 竟未作任何反應，慘食檸檬的小方惟有尷尬縮手。事後Stephy 說：「我意識唔到佢想拖我喎！可能我哋太耐冇合作，所以冇晒默契啦。」小方則說：「我係有伸手示意，不過畀唔畀拖都冇所謂啦！」另外，小方昨日在港台出席「2009推廣普通話活動啓動禮」，對於舊愛鍾欣桐最近高調復出，但兩人合演的電影《出水芙蓉》拍竣逾一年仍上映無期，小方說：「我冇問，英皇話會送檢，楊生（英皇老闆楊受成）都話冇問題，咁就應該冇問題啦！我會配合宣傳。」問小方再與阿嬌碰頭會否尷尬？他沒好氣說：「絕對冇！」
方力申與Stephy 這對情侶檔久未合作，默契欠奉。
（左起）方力申、古巨基和側田一齊回眸，大鬥型男本色。
關心恐嚇事件
小方與陳志雲（右）昨日現身港台，小方希望恐嚇事件早日水落石出。
對於有傳媒早前收到郵寄子彈，威嚇陳冠希不要復出，小方說：「件事已經交畀警方處理，希望可以盡快水落石出。」問到可覺得陳冠希影響其他演員的人身安全？小方表示：「出唔出嚟係個人決定，我冇意見。」採訪、攝影：魯萍
Stephy 前晚與公司旗下歌手拉隊到澳門開騷，連身背心裙盡展玉女風範。
from
http://appledaily.atnext. ... art_id=12495717
