早兩日小妹睇電視見到溫家寶總理話，好想家去台灣阿里山同日月潭走一走，看一看，就算行唔郁，爬過去都願意。阿里山有乜咁巴閉，小妹即刻打長途電話畀台中嘅老友Simon 攞吓料。
當地有巴士團
家阿里山櫻花盛放，難怪溫總都話要去阿里山啦！
佢係如假包換嘅香港人，去咗台中嘅旅行社做入境旅遊部經理，佢間公司仲係台灣交通部觀光局指定啲中部觀光巴士行程代理旅行社。Simon 話，家去阿里山同日月潭真係最好時間，可以睇到各式各樣嘅櫻花。阿里山喺呢個月15日到下個月15日仲係舉行一年一度嘅櫻花季，遍山植滿吉野櫻、八重櫻、富士櫻等。識途老馬可以買機票連酒店自由行上阿里山玩，不過交通行程就要自己計劃吓。好似由香港飛去台中咁計，要由台中搭火車或公車到嘉義，再由嘉義搭火車或公車到阿里山，要搞足五、六個鐘先到埗。Simon 話，唔想麻煩，可以參加觀光局嘅觀光巴士團，好似兩日一夜嘅阿里山、日月潭團，全程包車包食包住，每人新台幣4,999元起（約1,100港元）。另有日月潭一日遊，玩足10個鐘，每人新台幣1,500元（約337港元）。佢話詳情可以上佢哋元帥旅行社網頁（http://www.marshaltour.com.tw ）。可以上網預訂，或者直接打電話畀佢查詢，同聲同氣易傾啲喎。電郵：mailto:shoppingjing@appledaily.com
