作為一個唔紅唔黑嘅女藝人，年近30 ，終於嫁得出，仲要係嫁個有錢人，真係好過中六合彩啦。但即將於今個月28 日嫁俾身家過億富商Anthony Kong 嘅袁彩雲，就好似唔多開心。
上周四（5 日），媽咪姐喺時代廣場撞到染咗一頭紅髮嘅袁彩雲，買完文具，再去買日用品，跟住掃埋外賣食物。Shopping 咁開心，但佢全程苦瓜乾面口，唧都唔笑之餘，仲滿懷心事咁，點睇都冇新娘子嘅喜悅。
到周日（8 日），佢出席《香港瑜伽馬拉松2009 》時，就忍唔住呻咗兩句話：「老公未返香港，成個婚禮都係我一腳踢搞掂晒，件deep V 婚紗老公都未見過。」咁唔怪得佢悶悶不樂啦，人哋結婚就一雙一對，有商有量，佢就要孤零零左撲右撲。唔緊要啦，第時繑埋雙手做少奶奶，咩都補番數啦，呵！
等緊外賣食物嘅袁彩雲，雙目無神發晒吽
。
到搭
嗱車，佢直情挨落部
度，成個
樣出晒嚟。
