現年37歲的前港姐袁彩雲於09年下嫁加拿大籍飲食才俊江銘峰（Anthony），二人的愛情結晶品於周一（8月5日）傍晚出世，袁彩雲在港安醫院誕下重6磅幾的囡囡。袁彩雲昨日在電話中聲如洪鐘，透露因為囡囡頭部一直沒有轉身，最終由醫生建議開刀分娩，老公全程陪伴左右，她說：「原本想自然分娩，但BB唔轉身都冇辦法。老公原本問可唔可以喺出面等，我都唔明點解？但最後佢都捉住我手陪我入產房，可能佢有啲驚，冇幫手剪臍帶，但老公同BB都令我感動到喊。」
前港姐袁彩雲於周一誕下6磅多重的囡囡。
心急再追個仔
袁彩雲表示醫生指BB頭向上，故呼吸系統未必能很快回復到正常，故需數分鐘才能嗌出聲，怎料囡囡讓她有意外驚喜，她說：「佢出世10秒就嗌得好凌厲，真係好開心。」
袁彩雲為囡囡改英文名做Alycia，是由她與老公及家人一齊改，而中文名則交由奶奶負責，問可會追個仔？她說：「遲啲追多個，老公屋企人都好開明，仔女都冇所謂，但希望能盡快恢復身體，順利再陀第二胎。」
袁彩雲見Alycia樣子甜美，說她覺得囡囡較似爸爸，並形容她是小天使，擁有一個可愛心形嘴仔，袁彩雲直言每次見到都想錫一啖，問是否已買了很多靚衫仔？她興奮地說：「好多呀，我都覺得佢未必着得晒，返到屋企諗住幫佢做fashion show。」袁彩雲打算餵人奶，透露會留在香港坐月，至十月中才返加拿大，她說：「留喺香港方便屋企人照顧、請陪月同買補品食，之後先會返加拿大，囡囡亦會喺嗰邊讀書，希望佢將來能夠係一個善良嘅女仔。」據悉袁彩雲今日將會出院返家，但老公則因工作要暫離開香港。
袁彩雲最鍾意囡囡的心型嘴，每次見到都想錫一啖。
袁彩雲老公雖然好驚，但最終仍有入產房陪她生BB，令她感動萬分。
資料圖片
袁彩雲原本想自然分娩，但因BB頭部未有掉轉，故需開刀。資料圖片
from:
http://hk.apple.nextmedia ... 130809/18370179
