28 歲重生嬌 你唔係水泡！（設計對白）
淫照女主角阿嬌（鍾欣桐）於上周接受「志雲飯局」訪問，為復出揭開序幕。在三位緋聞男友陳冠希、方力申及Juno （麥浚龍）中，阿嬌唯獨大讚Juno 有義氣，更私下向陳志雲確認Juno 的男友身份，幸福之情，表露無遺。
原來自「淫照事件」發生後，Juno 無懼父親反對，全力照顧阿嬌，最終打動芳心，暗地里和她拍拖一年。
過去一年，Juno 不單在精神上無條件支持阿嬌，更在半年前為阿嬌復出發功，狂碌人情卡，傾掂Bauhaus 簽她做代言人，安排阿嬌連串活動，壯大聲勢。阿嬌復出記招當日，Juno 更故意夾岩與阿嬌同日現身發表撐嬌宣言，又身穿含意Tee 暗示他是阿嬌支柱，愛到出面。
24 歲義氣Juno 係支柱先岩！（設計對白）
自去年阿嬌經歷淫照風波，細她4 年的Juno 以緋聞男友身份肩負護嬌重任，先開口插爆影淫照的陳冠希為「渣滓中嘅渣滓」，幫阿嬌出頭，又稱阿嬌是他的「好好好好好朋友」。縱然當日外界嘲諷他是阿嬌水泡，但Juno 仍對她不離不棄，阿嬌今次復出，Juno 大為緊張，一早鋪橋搭路，做她幕後軍師。
試民情逼爆旺角
復出後接到數百宗投訴的阿嬌，現身旺角見群眾難免有風險，好在有過百fans 撐場造勢，就算期間有人大叫「天真嬌」都輕易被fans 吶喊聲掩蓋。歷時1 小時宣傳，總算無驚無險。
本周三（11 日）鍾欣桐復出第三日，被安排到旺角Bauhaus 出席宣傳活動。下午四時阿嬌坐過百萬元的Hummer 四驅越野車到場，經理人霍汶希和保安緊張地上前接她。準備面對群眾前，阿嬌一臉忐忑。
反觀英皇其他高層如吳雨等，待記者會開始後便到了隔鄰的拉麵店醫肚，直至活動差不多完畢，非常輕鬆。
阿嬌成功造勢吸引過百人圍觀，但連累附近的商戶，有些舖差不多兩個小時未做過一單生意。
據知Bauhaus 老闆黃銳林係Juno 老死，今次搵阿嬌做代言人完全因Juno 碌友情卡。之後記者透過公關問黃生是否與Juno 是好友關係，但他回覆稱私人事唔方便講，拒絕回應。
狂碌人情卡搵廣告
半年前阿嬌復出形勢根本未明朗化，要找廣告商極之困難，故Juno 為阿嬌出動友情牌，搵老友潮流品牌Bauhaus 老闆黃銳林幫手，用阿嬌做品牌代言人，令她復出時有廣告撐腰。
「Bauhaus 老闆同Juno 個阿哥大寶好熟，事關大家都係潮人，因阿哥關係，Juno 亦同個老闆好friend 。Bauhaus 幾年前搵過何超儀做代言人之後，都無再搵明星拍廣告，但Juno 開到聲，黃生份人好講義氣，最終答應用阿嬌，仲幫佢搞鋪天蓋地嘅宣傳。酬勞聽講有百幾萬，但要走勻東南亞宣傳，呢個價比起阿嬌淫照前叫好抵。」知情者說。難怪阿嬌在Bauhaus 記者會訪問中也不禁說：「感激Bauhaus 肯冒呢個險用我，所以我會盡力做好。」
除了幫手穿針引線，Juno 連阿嬌宣傳都諗埋。2 月初阿嬌復工頭炮便是到Juno 胞兄大寶打骰的潮流雜誌《Milk 》影封面相，拍照時所穿的正是Bauhaus 服飾，為之後出席Bauhaus 活動增加聲勢。
Juno ：各方面都幫
女友阿嬌於本周二（10 日）正式見傳媒，無出席公開活動個多月的Juno ，亦故意校岩時間在同一日，出席海港城情人節活動。
據知公關公司一個月前找他出席活動，但Juno 拖到上周三，等阿嬌落實在10 號正式會見傳媒後，才答應出席向來少接的商場活動。故當日連在場記者都笑Juno ：「平時你好少接商場show ，做乜今日肯做，咁岩阿嬌今日出嚟。」被篤爆動機的Juno 就死撐：「唔係，我有時都會做吓。」接喺他以包容論，呼應阿嬌早前在「志雲飯局」中表示希望將來結婚對象可以包容她的過去。Juno ：「唔止係男友，一個好好嘅朋友都需要包容。」又為阿嬌拍淫照解話：「每個人談戀愛一定會好投入，但一男一女一齊係要互相尊重。」
在場記者提到阿嬌停工期間想結婚，Juno 聽到就面紅，更一時口快講出心底話：「我無同佢傾過呢啲嘢！」知道自己講錯嘢，Juno 隨即兜番：「朋友點會求婚呀？」
之後他接受電子傳媒訪問時，終忍不住透露他願為阿嬌撐起一切的心
，「唔止係精神上，就算係佢（阿嬌）工作上，或各方面需要幫忙，我都一定會幫。」記者打蛇隨棍上，問他是否包括經濟上，Juno 沒否認說：「總之佢同我提出邊方面要幫，我都會幫。」唔怪得之後阿嬌在記者會一聽到Juno 個名，縱然否認拍拖，亦掩不住甜蜜笑容。
化身護嬌寶
可以為阿嬌付出一切的Juno ，在07 年與她合拍電影《破事兒》前已視阿嬌為女神，一直力追對方，直至發生淫照事件，阿嬌在無援下才投向Juno 懷抱，Juno 可謂因禍得嬌。「嗰時Juno 唔理家人反對，要金屋藏嬌，帶阿嬌返佢淺水灣間屋暫住避鋒頭。為咗女友仲放下手頭上工作，成日秘密同阿嬌外遊散心。Juno 有個朋友喺泰國擁有私人小島，佢哋咪成日去嗰個島避靜，兩個不知幾sweet ，之後又去日本睇演唱會，Juno 有阿嬌就夠，話之人哋笑佢係水泡。」知情者說。
有傳一直不滿Juno 同阿嬌拍拖嘅Juno 爸見反對無效，曾經出動經濟封鎖個仔，藉此棒打鴛鴦，令阿嬌的人肉提款機失靈，被迫賣樓解財困。知情者說：「雖然俾老竇財政封鎖，但Juno 同阿哥搞時裝生意又唱歌接騷，都叫有搵錢能力，唔使靠晒老竇。不過嗰排為平息佢老竇怒氣，之後出活動就同記者講唔想再提阿嬌，表面做到劃清界線，其實做場戲俾佢老竇睇啫。」據知麥父之後見Juno 對阿嬌愛得咁堅決，最終選擇讓步，去年中便一度傳出Juno 與阿嬌計劃結婚，不過均遭雙方經理人否認。Juno 對阿嬌愛得義無反顧，絕對是癡心情長劍。
周二（10 日），Bauhaus 為阿嬌舉行記者會，特別印製了代言人阿嬌的環保袋，用上成本甚貴的厚身粉紙印阿嬌海報，又做一本阿嬌做model 介紹Bauhaus 新裝的小冊子，一式三份派給在場過百傳媒，如此
本可謂反市道而行，闊少Juno 真係功不可沒。
傑3X 歲「阿嬌咩都俾人睇過晒啦！復出嚟做咩呀！都係為咗錢啫，我真係覺得佢唔應該復出，我有女我都唔會俾佢鍾意阿嬌，依家又阻住條街，叫佢快嘅走啦！」
胡生6X 歲「阿嬌都大個女咯，影嗰嘅相又有咩所謂呀！佢自己又肯認錯，俾個機會佢復出做嘢啦，我知道有好多人都仲鍾意佢。」
自由行蘇生蘇太3X 歲「那件事（淫照事件）對於大陸也是蠻轟動，但那些始終都是人家的私生活，其實對我來說都無所謂，反正她也是個受害者。」
街坊撐嬌
本周三狀態不俗的阿嬌在旺角現身後，絕地翻身，街坊支持聲音多過反對，總算還得神落。
襯起麥家嬌媽喺LV 買
本周一（9 日）阿嬌正式復出見傳媒前一日黃昏，嬌媽去跑馬地買
都要整番件LV 喺吓，唔想失禮街坊。嬌媽買完豬肉再買一斤通菜，雖然係家常菜，但對於一個家庭主婦而言，無嘢好得過親手炮製住家飯同阿媽靚湯，對愛女表達支持同暖意。
幫愛女去濕
買完菜，嬌媽再到附近藥房買咗包「去濕熱湯包」，唔知係咪同阿嬌日前話食咗鮮蝦後敏感，條頸出紅疹，搞到上「志雲飯局」時俾人話係壓力疹，所以拿拿臨幫阿嬌煲去濕湯消疹。
捧個女場 之後經過七仔，一見阿嬌做封面嘅潮流雜誌出咗，即時買番本返屋企俾阿嬌。
歸家小心翼翼 向來低調嘅嬌媽，當日買完嘢準備取車返屋企，佢都警覺性甚高，要左望右望視察一輪有無狗仔隊，先開車返干德道慧明園住所。
《蘋果日報》圖片
《Face 》圖片
Juno 家擁10 億
阿嬌一歲喪父，由媽咪辛苦養大，早前她接受「志雲飯局」訪問，還坦承入娛樂圈係想屋企人生活得更好，因為她要獨力養起一家六口，除她外還要養媽咪、同母異父的妹妹、公公、婆婆及爺爺。Juno 雖然唔靚仔，不過身家搭夠，有個富爸爸麥紹棠，絕對有能力幫阿嬌
起頭家。
Juno父親麥紹棠（圖）是上市公司中建電訊（138 ）的主席，並為另外兩間上市公司中建科技（261 ）及中建資源（8163 ）的董事。他以生產電話起家，最架勢是發明了全球首部一體式室內電話「large Talk 」，再將之出售予美國AT &T ，賺得第一桶金。
他非常疼錫兩位兒子，打本俾大仔麥浚翹（大寶）搞潮流雜誌，令他當上香港潮流教父，細仔Juno 鍾意唱歌，又落足本錢支持。05 年Juno 考獲車牌，麥紹棠更一口氣買入三架法拉利，實行三父子一人一架。據知，麥紹棠現時名下的名車還包括勞斯萊斯（圖）、豪華七人車等共十餘架。
04 年，他更豪擲2 億購入3 個淺水灣道56 號豪宅單位（圖），跟兩位兒子各住一間，估計其身家逾10 億。
含意Tee
3 個男友Juno 最好 Juno 有錢有心
撐嬌復出當日，Juno 喺衣櫃千揀萬揀，揀咗件東洋品牌BackBone 嘅Tee 。事關Backbone 字面解骨幹及主要支柱，暗示他是阿嬌支柱，相當有心。
方力申浪漫
05 年方力申與阿嬌傳出拍拖期間，二人被發現同遊瑞士，又傳出男的曾花心思，秘密在嬌家布置花海為女友慶祝生日，非常浪漫。雖然他否認和阿嬌拍拖，但亦多次支持阿嬌復出，甚有風度。
陳冠希掛住影相
同阿嬌拖拖拉拉咗4 ，5 年嘅Edison ，對阿嬌經常若即若離，復合期間淨係識得用
爆的sms
女友、送名牌潮物及不停影淫照。比起Juno 有情有義，Edison 真係愛得膚淺。
