圈中藝人就陳冠希疑受子彈郵件恐嚇一事，均表示感到驚慌，希望他沒事。
黃婉伶：嘩，驚呀，恐嚇喎，任何人都驚啦，希望大家冇事啦，我之前收過fans 恐嚇信，話如果我拍拖就對我唔客氣，又話會自殺，所以都會驚公開戀情。Edison應唔應該復出，佢自己衡量啦，但支持其他女星，天分咁好唔應該埋沒嘛。
楊愛瑾：真係幾驚訝，之前我都受過威脅，有其他歌手嘅fans 叫我唔好再出街，如果唔係就打我，希望呢件事係開玩笑啦，Edison 錯定
都好，唔好發生呢啲事。
任達華：希望係開玩笑啦，如果子彈係由美國寄到嚟香港，真係有啲奇怪，冇可能會過到海關呀嘛，希望警方盡量查出真相，呢個係白色恐怖。如果Edison 真係想復出，就應該出嚟settle 件事，一日唔肯面對，一日都唔可以重生。
黃婉伶希望陳冠希沒事。
楊愛瑾曾受fans 威脅唔准出街。
楊愛瑾（左起）、任達華、黃婉伶、甄子丹和方力申出席啟播活動。
