藝人淫照經手人陳冠希（Edison ）被人出信恐嚇，事件前日曝光引起全城迴響，大部份圈中人皆認為發信人罔顧香港法紀，絕對要受到懲罰。謝婷婷昨晚表示有事應該面對面解決，不應該借助暴力，更叫送信人「think positive 」。
哄動全城的藝人淫照事件近日又再掀起風波，前日有人送了一封藏有子彈的恐嚇信到有線電視，聲稱若果淫照經手人陳冠希再公開露面，便會對他不利，事件已交由警方跟進。
雖然陳冠希被恐嚇一事成為全城熱話，但Race 卻自稱不知情。
Miki 希望恐嚇事件只是開玩笑。
Race 撐女受害者
淫照主角陳冠希的人身安全，近期備受威脅。資料圖片
事件曝光後全城關注，各藝人都議論紛紛，大部份人皆認為是惡作劇，但他們都寄語Edison 凡事小心為上。謝婷婷昨晚出席潮流雜誌活動，問到關於Edison 的恐嚇信件，她說：「點解咁大仇口，有乜事當面傾，咁核突，可能想引人注意，傾咪得，唔使用暴力，恐嚇都唔會有用，其實嗰個人應該think positive 。」記者再問到會否擔心阿嫂張栢芝人身安全，她說：「阿嫂係好人，唔會有事發生，有乜事同佢一齊，我大隻過佢，會做佢保鑣，唔可以傷害我屋企人。」Edison 前情敵方力申到銅鑼灣出席活動時說：「等事件查出嚟睇吓係咪惡作劇定係有人恐嚇，警方會處理，自己都會留意時事。」同場的Race 則說：「我冇睇到新聞報道，所以唔知呢件事。」Race 的胞姊Rosanne 與Edison 曾傳緋聞，她續說：「復出呢啲事，我覺得應該係佢自己去平衡，不過我反而支持女藝人，佢哋係受害者，喺得呢個圈工作除咗想賺錢外，仲有熱誠，佢哋都咁有天份，唔好嘥。」楊愛瑾（Miki ）則說：「我聽到之後都覺得好驚，希望係開玩笑啦，但講笑都唔係咁好。」甄子丹則坦言：「娛樂新聞睇完就算，不如多啲留意世界大事，呢件事都唔知係咪惡作劇。」昨日續約英皇的張家輝說：「同陳冠希唔熟亦都冇合作過，不過我覺得惡作劇居多。」英皇高層霍汶希表示公司沒有回應，他們不擔心鍾欣桐（阿嬌）人身安全，而阿嬌如常今日傍晚到台灣宣傳。
方大同：唔舒服
方大同希望沒有人會受到傷害。
方大同昨日在新城聽聞Edison 被恐嚇竟說：「嘩，勁新聞，聽到有恐嚇信嘅新聞都唔舒服，其他我冇嘢講，希望唔會有人受到傷害啦。」無綫總經理陳志雲昨日出席活動表示無綫未有收過任何恐嚇信，他認為香港是法治社會，不應用暴力達到目的，這種行為不應鼓勵及縱容，陳志雲坦言自己曾收過恐嚇信，當時自己亦很擔心。採訪：羅慧敏、何慧斯、何永寧、楊潔雯攝影：林德雄、陳順禎、陳俊強
謝婷婷昨晚強調有任何爭拗，都不應借助暴力解決。
http://appledaily.atnext. ... art_id=12486884
