關楚耀和衞詩在日本涉嫌藏毒被捕，謝婷婷前晚自爆19歲讀大學時也曾試食大麻，雖然她說無悔試食，但就謂食大麻後感覺「pei 晒」（頹喪）兼失去自制力，故最後沒沉迷下去。
謝婷婷、鄭欣宜和樂基兒等前晚在中環為法國手袋Longchamp 示範09春夏手袋，婷婷和欣宜曾傳不和，前晚兩人拍檔行騷，欣宜的豐滿身形跟纖瘦的婷婷形成強烈對比，欣宜也表現得較為緊張。
欣宜（左）做了大小S 的姊妹──擺出超大S 行騷，她謂站在苗條的婷婷身邊頓感壓力。
Ana R.（右）和Lisa S.互攬擺甫士，表情和默契夾到足。
怕失去自制能力
婷婷謂與欣宜在後台有交流，一起搵防走光膠紙和夾甫士，有指她與安志杰同居，她否認說：「佢送我返屋企咋，我忙，佢買嘢畀我食。」談到關楚耀和衞詩在日本的涉嫌藏毒事件，婷婷謂溫哥華青少年吸毒很嚴重，她說：「好出名呢啲嘢，細個讀private school 都有人approach 過，嗰時16歲，但見到啲人好攰同stone 晒，都唔想試。」問婷婷之後有否試過？她直認說：「我有試過，pei 晒！唔鍾意囉，我鍾意個人好active ，in control 。」她謂是19歲讀大學時試食大麻，父母均不知情，問她有沒後悔？她說：「冇，一個人唔係好危險，可以試吓，試咗先知幾時停，唔好再做，我只係試過，冇keep 住食，因為我鍾意清醒嘅感覺。」
唐素琪穿上短裙仔，青春無敵。
李彩華謂依照相士提議，脫了背部的癦，以求減輕家庭負擔。
欣宜為肥姐戒煙
欣宜指與婷婷自小認識，前晚首次一起行騷，感覺開心好玩，她說：「我以前行騷經驗超唔好，今次都好驚，仲行錯方向。」怕不怕被比較？她說：「我哋比較係天同地，我唔係靚女、性感嗰啲，想行都行唔到出嚟。」她又謂與同場模特兒相比，感到自卑：「少少自卑，後台見佢哋嘅腳仲長過我個身，個個都着短褲，但我要着leggings ，我都知自己問題。」在溫哥華長大的欣宜也表示加拿大的吸毒問題嚴重，但她沒試過，她說：「好恐怖，有啲朋友食到要入院，去卡拉OK ，聞到好臭。」她又指遵照亡母願望，正努力戒煙。採訪：羅慧敏攝影：陳志嵐
謝婷婷（右）和欣宜首次同台行騷，婷婷自爆曾試食大麻，但由於變得頹廢和欠自制能力，故她沒有再試。
http://appledaily.atnext. ... art_id=12477946
