Kama 日前到日本為「Tokyo Girls Collection 」行花生騷，昨日她到原宿拍攝外景照時趁空檔shopping ，一飽她的「買嘢欲」。自以為在日本沒有知名度的Kama ，行街期間竟被一男士上前搭訕！Kama 說：「佢話自己係Leah Dizon 公司嘅星探，畀卡片我又問我幾歲同住喺邊，我好驚即刻耍手擰頭！」星探找了他的男同事用英文跟Kama 溝通，但兩人愈行愈埋，嚇得Kama 雙手護胸，最後讓兩人替她影了一兩張相便將他們打發。
想做Leah 師妹
後來Kama 知道卡片是真的後，坦言有興趣進軍日本，她說：「開頭係幾驚，冇諗過會彈幾個人出嚟，但係知佢哋係冇惡意嘅！至於係咪真係會同佢聯絡，我會待返港後同公司傾下先。其實後來知道佢原來真係Leah Dizon 公司嘅人覺得好榮幸啊，Leah Dizon 喺日本好紅，自己都好想喺日本發展！」
Kama 樣子甜甜，身材驕人，極具吸引力。（資料圖片）
Kama 趁空檔shopping ，滿足購買欲。
Kama 行行吓被一自稱Leah Dizon 公司的星探派卡片。
