羅凱珊（Kama）昨日以天龍八部on line game代言人身份出席灣仔會展活動，並與一眾在現場玩比武招親game的fans合照，她昨日一身密實打扮，記者指她輸蝕給出席同類活動的雷凱欣及鍾蕙芝（Lavina），Kama即信心十足兼搞爛gag說：「我密實都有『凸』點，出席game show唔一定要性感搶鏡、冇話輸定贏。」又指剛過去的聖誕節在家與愛犬一同度過寂寞聖誕。
對於崔建邦出手打o靚模鄺敏慧一事，Kama說：「我唔識佢（鄺敏慧），但係點講男仔郁手都係唔啱，女仔可以有幾大力啫？畀我實會還拖，我有學泰拳，唔會接受散打王，就算用粗口問候都唔得，會同佢對罵。」
Kama又指幸好從未遇過暴力男友，並指自己不會check男友sms，又說：「曾經發生嘅嘢做乜要夾硬攞番同delete？」記者指她要勤練泰拳，以防鉸剪腳，她說：「係呀！一定要！」
