鍾欣桐去年在淫照事件爆發後一個月，於fans 包圍下發表「天真論」，但不獲外界接受，一年來她不時出席慈善活動及試鏡等，測試水溫，部署復出，頭炮是在《志雲飯局》剖白。有傳阿嬌復出的幕後智囊團成員包括大律師清洪、導演張堅庭及詹瑞文。張堅庭昨日否認是阿嬌軍師，他說：「我岩岩返香港咋，唔係我，我冇教路，我岩岩喺海南睇景返香港，個訪問都未睇，我都矇查查。」白韻琴則指阿嬌過冷河時間合適，但覺得訪問不會有更到肉的話題，未能提升她好奇心去睇，她說：「睇咗兩句就夠啦，佢都冇講到啲乜嘢出嚟，阿嬌都話好似冇晒私隱咁，都唔會再講嘢畀人聽。」雖然阿嬌和張柏芝一樣認錯，但白姐姐覺得柏芝訪問效果明顯得多，她說：「柏芝平時係一個壞女孩，而家俾人睇到係變咗好媽咪、好老婆；阿嬌就原本係一個好女孩，影到條bra 帶都喊晒，而家就仲未有嘢畀人睇到，冇乜改變咋。」但她讚揚阿嬌在訪問中，為家人打消自殺念頭的言論，她說：「睇落幾偉大咋，為家人生存，好多後生仔自殺都冇諗屋企，佢都係一個好榜樣。」採訪：林妙萍
白韻琴表示柏芝的訪問效果較阿嬌明顯得多。資料圖片
from
http://appledaily.atnext. ... art_id=12463247
