下個月推出全新專輯《花蝴蝶》嘅蔡依林，最新造型率先曝光。
以為久休G 奶重現江湖，點知Jolin 今次玩「封胸」，著上由佢親自設計嘅馬甲（Girdle ），入面加件短袖tee 封到上條頸，Jolin 充滿信心話，可以
密實之中帶出挑逗意味。
要騷在骨子裡，試問天下間有幾多擁有高尚情操嘅麻甩佬。再加上Jolin 以1.2 億台幣轉投華納第一炮，新公司無論
簽約記者會以至MV 首播會，都落足本搞巨額製作，萬一Jolin 一意孤行嘅「封胸戰術」衰咗，真係同倒錢落鹹水海無分別喎！
為咗配合大碟名稱，Jolin 吊威
吊到條腰一笪瘀一笪青，無非想做出人形蝴蝶嘅效果。
今次image 由Jolin 自己一手包辦，老實講，我第一眼睇到呢張相，都幾驚嚇，重點唔係因為無咗對胸，而係好想問Jolin ，知唔知香港有個地方叫「MK 」？
難度更高
我發誓，絕無詆毀Jolin 唱功上嘅努力，但的而且確G 奶已成為蔡天后嘅成功icon ，今次忽然玩「封胸」，Jolin 無非想大眾將焦點轉移去佢嘅歌藝同舞技。
早前到紐約同洛杉磯學舞嘅Jolin ，搵嚟Beyonce 及Madonna 御用嘅黑人排舞師Jonte 學藝，配合大碟名稱《花蝴蝶》，創作出以芭蕾舞為基礎嘅全新舞蹈，難度方面，絕不低於吊環及鋼管舞。
「老師很嚴格，上課第一天他穿高踭鞋教舞，看到我穿平底鞋一直在搖頭（不滿），要求我馬上換鞋，老師真的很專業，跳舞的肢體動作比女人還性感。」
3 月8 日，Jolin 會喺北京世貿天階舉行MV 首播會，頭頂上嘅LED 天幕，面積有足球場咁大。
唔單只「封胸」，Jolin 仲會著西裝扮男人，事關佢最近學識街頭爵士舞，專登
美國SOHO 影低呢輯麻甩宣傳照。
巨額宣傳
去年底以1.2 億台幣（約2,663 萬港元）天價加盟華納唱片嘅Jolin ，新公司對蔡天后寵愛有加，除以356 萬台幣（約79 萬港元）租下北京奧運場館「水立方」舉行加盟記者會，
3 月8 日，仲會喺北京世貿天階舉行大型MV 首播會。
場館設有一個超巨型LED 天幕，面積有一個正規足球場咁大，到時會播出Jolin 嘅全新歌曲《大丈夫》。宣傳金額在所不計，有傳華納今次會豪擲6,000 萬台幣（約1,330 萬港元）宣傳新碟，金額比起兩年前、Jolin
EMI （金牌大風前身）發行《特務J 》專輯嘅5,000 萬台幣（約1,100 萬港元）宣傳費仲要多。
另一款蝴蝶造型，「救命」指數有增無減，但Jolin 依然充滿信心，會帶起今個春夏，台灣美眉嘅衣著潮流。
除咗girdle 外穿，Jolin 排舞時亦短褲當面褲著，據聞今次新舞難度超高，繼續人體奧妙展。
自己打自己
花幾多錢都在所不計，但最大問題係，金牌大風同樣會
三月推出《J 世紀大牌新曲+精選》，與Jolin 嘅《花蝴蝶》打對台。
據聞精選碟裡面，會收錄三首Jolin 從未曝光嘅歌曲，再連同Jolin 過去三年以來，廿七首街知巷聞hit 歌，至於秘密武器係隨碟附送、合共555 張嘅Jolin 終極G 奶爆乳寫真。
金牌大風有「胸前」大計，但Jolin 依然淡淡定，認為今次自己打自己，每次轉會都要面對，只要新專輯做得好，根本唔使驚。
淫照事件成功脫罪嘅Jolin ，無論佢認唔認為陳冠希貓哭老鼠假慈悲都好，佢兩個日後應該唔會再有機會合作。
淫照甩身
完全勝券在握，加上纏繞Jolin 成年嘅「淫照案」終於水落石出，絕對係好兆頭嘅開始。
舊年淫照事件轟動中、港、台等地，Jolin 亦成為嫌疑閃卡女星之一，為保清白，佢
舊年2 月26 日發表「自清聲明」，強調如有任何人擁有佢嘅淫照，再經法院認定無移花接木，Jolin 會嗱出1 億台幣（約2,500 萬港元），送俾提供照片嘅人。
一年後今日，陳冠希
加拿大卑詩省最高法院作供時，強調電腦內未有
互聯網曝光嘅照片，係佢平日嘅生活照，間接幫Jolin 澄清無份做淫照女星。
水落石出，經理人代Jolin 發言：「沒有的事就是沒有，不用畏懼是非流言。」
體操＋轉體
鞍馬＋吊環
鋼管＋絲帶
特技J
由06 年開始，Jolin 不斷鑽研舞技，任何高難度動作都應付自如，更有意無意大騷G 奶本錢，增添唔少視覺震盪效果。
體操＋轉體
推出大碟《舞孃》，舞蹈與體操二合為一，除了凌空一字馬再配絲帶舞，其後更加插高難度嘅360 度前空翻。
鞍馬＋吊環
舉行《唯舞獨尊》演唱會，表演鞍馬及吊環等動作，配合G 奶倒吊，製造出性感 熱話。
鋼管＋絲帶
《特務J 》MV 內，表演苦練多時嘅鋼管舞，以及難度極高嘅凌空彩帶舞，十足馬戲團上身。
