隨喺男主角陳冠希（Edison ）上週一（23 日）在溫哥華出庭作供，令事隔1 年的淫照案再度炒熱。
自判「坐監」足1 年的張柏芝亦忍唔住開口，在上週四（26 日）秘密接受有線訪問，向被她指「貓哭老鼠」的Edison 開拖：「受夠你了！」被柏芝哭插擘大眼講大話的陳冠希，卻在訪問播出當晚（27 日）於新加坡「復出」連跑兩個賺錢活動，做騷更拒公開道歉。
據知，原先為避陳冠希淫照案作供，柏芝一家三口與老爺早在上週日已飛到曼谷「避難」，但當得悉陳在庭上的言論後，就火都嚟埋喊出一句：「佢唔係人！」急返港爆大鑊。足本訪問原為兩個半小時，有線本打算分上下集共一小時播出，刪走個半小時過激絕密內容。到週一有線更以尊重張柏芝為由宣布抽起下集，似乎柏芝平靜過後另有想法。
一向敢作敢為嘅柏芝，主動聯絡有線揭陳冠希真面目，鬧爆Edison 事後冇半句道歉，咬牙切齒向Edison 話：「最傷害我哋嘅唔係傳媒，而係你！我係受夠，係受夠你！」柏芝喺訪問中提及全因為Lucas 仔而撐落去，多次激動到喊。
曼谷嬉水
陳冠希於加拿大作供前一日，柏芝已跟霆鋒、囝囝Lucas 、謝賢及女友Coco 到曼谷避風頭兼度假一週，一行五人入住曼谷Grand Centre Point 酒店，柏芝仲喺泳池邊同囝囝玩，潛水係避世好方法。
返港開拖
柏芝聽到Edison 喺加拿大作供後嘅回應，即中斷家庭樂，又有老公大力支持下，急返港聯絡有線爆大鑊。
有線聲明取消下集
有線突然於週一（2 日）晚上8 時發聲明，決定取消柏芝專訪第二部分。有消息指有線此舉是平息柏芝因為不滿訪問內容在未播出的情況下預早外洩而嬲到震。
前後腳訪問
張柏芝急由泰國返港接受有線專訪，首集在上週五（27 日）晚上9 時出街，恰巧Edison 同於週五下午4 時半抵達新加坡復出做嘉賓，隨即接受當地新電視嘅U 頻道訪問，不過Edison 就從容笑住講工作大計及點做慈善家，有關柏芝提問一概唔答。
諗住呢啲係私隱，同埋陳先生（陳冠希）承諾唔會畀第三個人睇。佢乜都冇做，佢冇保護我哋，嘅相喺網上繼續流傳，佢冇用任何方法去制止。
我都有媽咪生，唔係得佢一個有媽咪陪佢出庭，我都有父母囉。
我冇佢咁好彩，佢可以去外國發展、簽歌手，自己做經理人。唔好一年後出嚟貓哭老鼠，講一套做一套，為求得到公眾寬恕，而繼續傷害我哋呢班女仔。
27/2 有線播專訪
我自己極重視個人私隱，絕唔會將親密照同他人分享，甚至相中女子亦只在拍攝後看過照片，並沒存檔。
呢件事對佢打擊好大，希望大家畀佢有個機會，同埋畀其他女仔有個機會，等佢哋做好自己。
24/2 母陪溫哥華作供
27/2 新加坡專訪
我覺得每一個人生命中當然都會有誤會，最重要是讓年輕人看到我的example ，Ihope to be selfless right now and really think about more charity.（我希望做個好榜樣，以無私的精神專注慈善。）
陳冠希上週一（23 日）在溫哥華為淫照案做證人作供後，隨即辣㷫原本早在週日（22 日）飛到泰國避風頭的柏芝。事關霆鋒早知陳冠希要出庭，一家三口以及謝賢及女友Coco ，即飛到泰國「冇眼睇」。
決爆大鑊
有目擊者見到柏芝入住曼谷Grand Centre Point 酒店，並跟已足歲半的Lucas 謝振軒在泳池嬉水。「嗰日柏芝冇喺三點式，佢戴住頂太陽帽差唔多遮晒成塊面，同囝囝喺泳池邊玩水，點知Lucas 架玩具車跌咗落水，Lucas 仲大膽到浸咗半個頭落水，自己拎番架車上嚟；謝賢同佢喺住bikini 嘅女朋友Coco ，仲叫Lucas 仔畀飛吻佢哋添。」
不過柏芝睇完Edison 庭上作供後，即嬲爆決定打畀有線爆大鑊。「柏芝原本諗住喺泰國住一個禮拜，等單嘢完咗先返香港，但聽到陳冠希作供後，佢兩公婆又有拗撬，仲即改星期三晚（25 日）返香港，不過霆鋒好支持太太，仲意有所指：『睇佢今次扮得幾耐！』」知情人士透露。
泰國常客
柏芝同霆鋒為泰國常客，舊年6 月佢跟住老公去泰國拍電影《風雲》，柏芝喺訪問提及當時係淫照事件後，令佢最難受、最尷尬嘅一次，返屋企更狂喊。
律師監場
急返港開拖還擊，柏芝訪問在上週四（26 日）於有線秘密錄影，除要封
進行外，更由於案件仍在審理當中，柏芝當日帶同律師監場，並跟有線簽下同意書，內容為柏芝有權翻睇錄影及刪去敏感內容，而且需永久刪除，如有外洩由有線方面承擔。
如此大陣仗，據知柏芝在訪問中，大爆拍淫照真相，不過最後一一被刪除。其實引爆柏芝抑壓年多的怒火，主力源自陳冠希在庭上的作供。Edison 在作供時曾提及：「呢啲相只係牽涉我同當事人，冇涉及第三者……絕唔會將親密照同他人分享。」他亦處處表現出保護受害人姿態，甚至連確認四位相中女角，亦是由辯方律師迫供下，才無奈確認。
據知柏芝在刪剪內容部分，哭得更厲害，以更激言論怒罵陳冠希，由於內容敏感，在場律師要求停止及刪除。雖然一半內容被刪，但上週五播出的訪問，亦惹來極大回響，登上各大報章港聞頭版，圈內藝人、廣告商和電影老闆等都力撐柏芝勇敢，食正柏芝密謀復出之路兼嗱晒分。
香港 霆鋒扯火
淫照事件後，有傳柏芝同霆鋒嘅2 年半婚姻凍過水，不過今次霆鋒力撐老婆爆大鑊，難怪佢上星期四（26 日）去柴灣影相時，笑笑口，日前仲喺上海公開力撐太太：「在心中，唔使講，作為佢老公，梗係支持佢。」
新加坡 再做潮人
相反陳冠希繼續避走，上星期五[龜縮到新加坡，左手帶住同富貴女友Vincy （楊受成姪女楊永晴）訂情嘅
女Cartier 手
，加多條鑽石手鏈，手拎07 年出嘅LV ×村上隆合作迷彩限量旅行袋，懶理爆大鑊，照樣復出兼話捐晒一年工作收入做慈善家。
《蘋果日報》圖片
喊住攬童
柏芝開腔講淫照翌日，謝霆鋒飛到上海做慈善，更感觸落淚攬住佢助學嘅小朋友話：「叔叔不怕痛和累，你們也不能放棄。」咁咪又爭到上娛樂要聞囉！
㗎樣撐baby
老婆亦唔弱，有傳密謀復出拍廣告及電影嘅柏芝亦轉定新look ，喺人氣𡃁模Angelababy 生日會上以短片及送上自製的bling bling 計數機賀壽，以答謝Baby 當年撐佢影淫照影得靚嘅言論。
芝媽笑晒
見到阿女咁堅強咁勇敢，柏芝媽上週六晚（28 日）亦笑晒口面對記者，不過就話：「我冇嘢講喇。」
Edison 假保護
柏芝訪問播出當晚，正是陳冠希在溫哥華作供後，轉飛新加坡接job 密謀復出的同一日，下午4 點半他到達Grand Hyatt 酒店，由4 位私人保鑣及10 名酒店保安護駕到場，接受當地新電視的U 頻道獨家訪問。
執Rain 二攤
27/2 陳冠希首個復出工作就飛到新加坡，離開淫照地一身輕，風騷地去美國快餐Carl's Jr 做新漢堡包發布會，被大批傳媒及200 名fans 圍住，有傳佢以15 萬友情價平搶韓國阿Rain 做嘉賓，Edison 講明以後工作為慈善，搵幾多有咩所謂啫。
提芝即扯
香港傳媒守候多時，在指明人數下先可以同Edison 做訪問，而且只可談工作及慈善，一聽柏芝名，即被經理人公司人員扯開唔答。
紅館高層管小姐
諗計出汗
Edison 隨即晚上10 點半轉場去adidas 60 周年party ，現場熱血沸騰，Edison 不停要人抹汗。知道被柏芝鬧爆，Edison 企在一旁與所屬經理人公司紅館高層管小姐密斟，諗計應付傳媒。
《壹週刊》圖片
孖住飲嘢
柏芝（左一）結婚生仔前愛夜蒲，05 年被影到出席Edison （右二）時裝店party ，更在場內扯煙兼飲酒。
面青口震
6 分鐘的訪問內容，鏡頭前Edison 國語英語夾雜，心情輕鬆回復昔日藐嘴輕佻態度，內容為自己鋪路，指過去一年「找回真正自己」，明顯為復出作準備。
然後晚上以15 萬友情價為美國快餐Carl's Jr 做嘉賓，再直踩adidas 60 周年派對。Edison 見到門外有200 名fans 迫爆支持，更風騷揮手，心情似乎未受影響。當柏芝爆大鑊訪問出街後，Edison 接受香港傳媒訪問時，跟以往寸爆黑面明顯有分別，顯得驚青口震，並只肯講工作大計及慈善。
認晒矮仔
「一年冇出嚟，係會有唔慣。我會將我酬勞捐晒畀李連杰嘅壹基金，履行我承諾。」當有記者問及：「柏芝喺訪問話你貓哭老鼠喎！」Edison 即被助手拉起轉身走人。直至午夜才透過經理人電話表示：「由頭到尾都係我嘅錯，我明白佢（柏芝）有佢嘅壓力，如果佢鬧完我令佢減輕痛苦，我願意承擔更多。」
上週六（21 日）早上，Edison 離開酒店到機場準備去日本時，被問到會唔會向柏芝道歉，亦充耳不聞直上七人車，而新加坡當地仍有報章大字標題刊登淫照，唔知陳生點叫盡力保護女受害人呢？
新加坡21 歲女fans 專登去接Edison 機，仲話好恨係淫照女主角，咁又荼毒多個少女喇。
坡報狂出淫照
去年初淫照廣泛在網上流傳後，陳冠希公開謝罪，為咗「保護」女受害人，以免淫照繼續流傳，便透過胡關李羅律師行向傳媒發表，指在《版權條例》，陳冠希為與其女性朋友嘅親密相及影像嘅版權擁有者，冇佢同意下，發表、複製或散布均為不合法。
不過事隔一年，隨住陳冠希到新加坡工作，淫照又再被刊登喺當地嘅《The New Paper 》（下圖）內，唔知咁樣算唔算係陳生帶挈淫照再現呢？
問題曝光：1 人生觀有冇改變？2 以後仲信唔信男人？
今季以「be TOUGH 」為主題嘅Bauhaus 搵阿嬌做代言人，主要係睇中佢勇敢面對觀眾嘅堅強性格，而阿嬌亦都夠hard sell ，話自己「係一個好tough 嘅人，所以十分適合拍呢個廣告。」
阿嬌為呢輯廣告相連續拍攝12 個鐘，有傳佢獲百萬酬勞，可以幫補供樓。
最新圖片 阿嬌本週一（2 日）到灣仔演藝學院搵詹瑞文，隨後直返英皇，未知是否與公司商討復出大計。
爆《志雲飯局》審問阿嬌
張柏芝一句「貓哭老鼠假慈悲」博得大部分觀眾支持，反而去年第一個率先站出來發表天真論的阿嬌，則頭痕又腳軟。眼見柏芝忽然高調狂插Edison ，據知英皇本來打算縮沙唔上《志雲飯局》，費事再俾淫照拖累，但陳總一句：「我會錫住佢（阿嬌）！」令阿嬌迫上雲山，爆定唔爆，肯定諗爆頭。
焗嬌食飯
英皇唔想玩，不過今鋪俾有線㩒住打的無線，當然唔放過大好反擊機會。據知情人士透露，陳志雲今次企硬唔肯改期，仲一定要阿嬌下週一（9 日）現身錄影，唔可以delay 。「Stephen 知道英皇諗住縮沙，於是即刻打去叫佢哋放心，保證一定唔會要求阿嬌好似柏芝咁激，最多都係問：『人生觀有冇改變？』同『以後仲信唔信男人？』呢類大路問題喎！」
不過英皇擔心此舉只屬陳總的策略，只望阿嬌不會縮沙的「美言」。
百萬廣告
一心諗住復出的阿嬌，近日不斷影得新行蹤，除練舞外，本週一（2 日）再被拍得往演藝學院找詹瑞文講戲經，然後返回灣仔英皇總部，為錄影《志雲飯局》一事開大會。
雖然有傳阿嬌將辭演由英皇投資、彭發執導的三級驚慄片，不過早前為牛仔褲品牌Bauhaus 擔任亞太區代言人的復出頭炮已落實，官方聲稱有7 位數酬勞。據知大型記者會將於錄影《志雲飯局》兩、三天後在港舉行，而廣告亦於本月中在香港、中國、台灣及星馬等地出街。
廣告再加志雲大師迫供，阿嬌復出掂唔掂未知，不過肯定夠晒noise ！
《志雲飯局》問乜好？
蕭若元：「其實上得去就肯定係夾好晒啦，如果你問我真正想知乜，我想知『過程係點？』、『你影嘅時候係咪清醒？High 唔high ？』、『你當時係咪好愛Edison ？佢搞過咁多女，你而家仲愛唔愛佢？』」
白韻琴：「想問『你而家點樣面對小朋友？』、『天真論係咪你自己諗？講之前有冇諗過有咩效果？』」
