譚詠麟（阿倫）、張敬軒和薛凱琪等昨日在九龍灣出席「為善．愛樂」買碟慈善活動，阿倫擔任愛心天使，對於老友陳百祥（阿叻）疑被騙5,000萬，阿倫笑說：「阿叻係好單純同有少少貪心嘅年輕人，因為年輕人先會投資。」阿倫又揶揄阿叻，他說：「佢信咗邪教呀，叫大鍋教，學藝不精，做咗鱷魚頭水魚底。」問他會否經濟上幫阿叻？他說：「點幫呀，一係我同曾志偉加埋佢，福祿壽搞個演唱會，叫《亂溝唱》咋。」
薛凱琪扮牛女
（左起）孫耀威、薛凱琪和阿倫昨日出席記招，齊做善事。
不過阿倫大讚阿叻事件發生了逾年，朋友們現在才知，因阿叻是喜鵲，報喜不報憂，問阿倫可曾做過水魚？他笑說：「我成日都做水魚㗎啦，身心都俾人呃過。」問他有否被集郵女星騙色？他打趣道：「我係好重嘅郵票，我好少同圈中女星交往㗎。」此外，薛凱琪日前為Levi\'s Indigo 拍廣告，她穿上boyfriend fit 的牛仔褲款式，力谷牛女形象。採訪：胡比攝影：陳志嵐
薛凱琪躋身潮人行列，化身有型牛女拍廣告。
from
http://appledaily.atnext. ... art_id=12421649
