33 歲的袁彩雲將做3 月新娘，與在加拿大坐擁七間餐館的老闆Anthony 情定終身，彩雲收到2 卡求婚鑽戒，將於本月28 日假深水灣高爾夫球會擺百萬喜宴，嫁個有錢人。
本報收到消息，彩雲和拍拖兩年的男友Anthony 決定結婚，將於本月28 日在深水灣高爾夫球會擺酒，近日兩位準新人已陸續通知親朋好友，出席婚宴分享他們的喜悅。記者致電彩雲，準新娘甜笑承認婚訊，她說：「我哋拍拖兩年，佢半年前求婚，佢份人好踏實，求婚都冇乜浪漫故事，大家傾到將來都有共識，所以決定結婚，好開心收到2 卡求婚鑽戒，呢份禮物最浪漫。」
先擺酒後註冊
彩雲大讚未婚夫Anthony 有誠意，雖然拍拖只2 年，但亦肯下嫁，她說：「我哋未註冊，擺完酒6 月返加拿大註冊。」至於幾時生BB ？彩雲說：「男家有催，我一定會生，但會係一、兩年後嘅事，自己33 歲，仲有時間。」婚後她沒想過退出娛樂圈，依然留港發展，問點解唔幫老公打理生意？她說：「唔使，我哋好獨立，佢有自己一套管理方式。」
至於婚禮的籌備，由彩雲全權負責，花費接近百萬，婚紗由何國鉦設計，還有一套晚裝、裙褂，問有冇宴請圈中人？彩雲說：「唔請得多，10 隻手指數得晒，怕應付唔嚟。」
加國火速撻著
自從彩雲與合和太子爺胡文新閃電分手後，雖然豪門夢碎，但兩年前與Anthony 在加拿大邂逅，即火速撻著，雖然期間彩雲曾被影到約會「火車頭」老闆李成文，又有梅花錶行少東陪揀名錶，但結果都是情歸在加拿大坐擁七間餐館的老闆Anthony 。
文：音樂組
袁彩雲婚宴不會邀請太多圈中人出席，她說：「10 隻手指數得晒。」 （資料圖片）
Anthony （左）與袁彩雲以往拍拖總顯得有些避忌，大抵以後可以名正言順拖手shopping 。袁彩雲
