陳冠希說：「她們受夠了……我希望每一位受害者能夠站起來！」淫照風暴受害人之一張柏芝真的站起來，紅著眼說：「我企出嚟係因為今日受夠了……係我受夠你！」受夠了，所以站出來，張柏芝代表一眾受害女藝人，摑了「貓哭老鼠」的陳冠希一記耳光，叫他不要擘大眼講大話，叫他還女性一個尊嚴。 記者：何永寧、蔡元貴
淫照風暴發展至今超過一年，隨著案件聆訊的展開，觸發一場女星反擊戰。事件爆發後一直保持緘默的張柏芝，在昨晚有線娛樂新聞台播出的訪問中首度開腔，為的是「受夠了」陳冠希。
「佢冇用方法去制止」
張柏芝接受訪問時，多次激動落淚。
張柏芝前日接受訪問，訪問安排在昨晚播出。訪問中，她說照片曝光後「好驚」、「好難堪」，但她做錯便要承擔責任，於是選擇將自己「監禁」起來，不作任何回應。直至日前，當張柏芝看到陳冠希在加拿大溫哥華就淫照事件作供，以一副保護女受害人姿態說：「她們受夠了。」她終於忍不住主動聯絡有線接受訪問，力斥陳冠希的不是。訪問中，張柏芝聲淚俱下狂數陳冠希：「呢年幾我未覺得受夠，未覺得受傷害，自己做過就要認，我企出嚟係因為今日受夠了，唔係陳冠希所講，佢哋班女受害人受夠，係我受夠你！」張柏芝力斥他貓哭老鼠，擘大眼講大話：「一年前，佢開記招話盡一切能力保護女受害人，佢冇做到……佢冇保護我哋，啲相喺網上繼續流傳，佢冇用任何方法去制止，我哋何來有安康？」站起來的張柏芝多次表現激動，提及事件影響兒子Lucas 的時候，淚光不停閃動。她憶述淫照曝光的一刻，心情如何徬徨：「Lucas 當時只有7、8個月大，我即刻入房抱起個仔，未抱起前唔識形容嘅驚，驚到腳軟，膝頭哥屈低有少少失平衡。」陳冠希日前於加拿大就淫照案作供，聆訊完成後，他向傳媒這樣說：「我希望每一位受害者都能盡快變得健康同開心起來……我希望每一位受害者能夠站起來，呢啲畀我自己會唔會出現在香港要重要。我希望她們都康復過來，幸福快樂過活。」
陳冠希：我願意承擔
陳冠希昨晚在新加坡被問及張柏芝受訪一事，即時皺眉。 記者楊浩賢新加坡傳真
正當張柏芝在電視螢幕中哭訴之際，陳冠希於新加坡出席商品活動。昨晚9時半左右，陳冠希於下榻的Grand Hyatt 酒店接受香港傳媒訪問，原本心情輕鬆、面帶笑容的他，被問到是否害怕返香港時，即有點皺眉。他沒有在現場回應張柏芝的批評，至昨晚深夜才透過經理人回覆本報記者說：「由頭到尾都係我嘅錯，我明白佢有佢嘅壓力，如果佢鬧完我而令佢減輕痛苦嘅話，我願意承擔。」淫照風暴於去年1月春節期間爆發，一批展示陳冠希及多名女藝人的床上性愛圖片在網上流傳，其後越爆越多，包括張柏芝在內的淫照陸續在互聯網發放，全城轟動。警方於去年2月拘捕多名發放照片人士，包括電腦技術員史可雋。案件將於今年4月在香港法院聆訊。
張柏芝金句
●「自己就做一個法官，同時做埋犯罪人，判自己坐監。」●「我選擇錯就認，打就企定。」●「我企出嚟因為今日受夠了，唔係陳冠希所講，佢哋班女受害人受夠，係我受夠你。」●「你竟然同我講公義？貓哭老鼠。」●「話自己投靠耶穌上帝，擘大眼講大話。」●「啲相喺網上繼續流傳，佢冇用任何方法去制止，我哋何來有安康？何來可以站出嚟？」●「阿媽同我講咗一句：『如果媽咪可以頂到，媽咪寧願同你頂。』點解呢個女可以衰到咁？」●「畀我哋女性一個尊重，畀女性一個尊嚴。」●「為求得到公眾寬恕，而繼續繼續傷害我哋呢班女仔。」●「我哋都有媽咪生㗎，唔係得佢一個有媽咪陪佢出庭。」
張柏芝在專訪中，力數陳冠希不是。 有線電視畫面
from
http://appledaily.atnext. ... art_id=12395423
