吳君如早前在節目《星星同學會》中訪問劉德華時，向華仔踢爆「集郵女星」，結果掀起全城哄動，各人紛紛想知道究竟誰是集郵女星。當日和華仔同場做訪問的藍奕邦最近忙於宣傳新碟《奕》，他坦言近日都被追問是否知道答案。
唔敢問華仔
藍奕邦說：「記者朋友、圈中人、連10幾年冇見過面嘅同學，都打嚟問我知唔知邊個係集郵女星，甚至乎噚日我去茶餐廳，連收銀都八卦問我！」問到藍奕邦是否知道答案？他表示自己雖然當日在場，但君如和華仔「咬耳仔」，所以他根本聽不到，錄影完後各人各自離開，沒有把事情放在心上。問到會否問華仔誰是集郵女星？藍奕邦笑說：「當日我唔覺意爆咗華仔錄歌去打麻雀都不知幾驚，仲點敢問！」有傳華仔4月結婚，藍奕邦表示若果是真的，會戥他高興。撰文：葉雪
藍奕邦指他根本不知道君如跟華仔所講的集郵女星是何人。
http://appledaily.atnext. ... art_id=12391408
