黃貫中（Paul ）早前與曾國祥為now 香港台節目《一個地球》登陸南極，阿Paul 又走訪中國駐南極的科研中心長城站，他說：「我同一班科研人員素未謀面，但過幾日嘅生活就好似一家人咁，我彈結他時佢哋會唱歌跳舞，玩得好開心。」
房間冇暖氣
阿Paul 續說：「最正係負責膳食嘅大廚係個四川肥佬，我一見佢就知今次有食神。為咗感謝佢哋嘅招待，我下廚整咗一餐畀佢哋食，就地取材見有辣椒就整辣子雞丁，我當然落重料，佢哋食慣辣都話有啲頂唔順。」阿Paul 在長城站居住的地方非常簡陋，沒有暖氣的房間內只有一張床，床鋪和枕頭均薄如紙，但他說：「我認為今次南極之旅個mood 係歷險之旅，如果住啲五星級酒店嘆世界嘅話，就會破壞整件事。」撰文：林妃
阿Paul 在中國駐南極的科研中心內親自下廚，為科研人員煮辣子雞丁。
http://appledaily.atnext. ... art_id=12391373
