在《愛出貓》現場，G.E.M 不時發揮「大家姐」本色，做中心人物，跟一班演員有傾有講，但見有記者採訪，即時黑面。
有「巨肺」之稱的十七歲女新人王G.E.M （鄧紫棋），今年初橫掃樂壇新人獎後，工作量隨之大增。一夜間飛上枝頭，G.E.M 開始被勝利沖昏頭腦，變得目中無人。
據知，終日掛住拍拖、有工唔願做的G.E.M ，除自行制訂方便陪男友的工作時間表，就連形象都要自己話事，即使經理人好言相勸，反被G.E.M 鬧到狗血淋頭。
《愛出貓》開鏡當日，堅持留辮仔造型的G.E.M 著住校服，跟陳偉霆扮學生。
主意多多
自從成為女新人王，G.E.M 即被電影公司睇中，
重飛擔任電影《愛出貓》女主角。前途一片光明，但近日盛傳恃寵生驕的G.E.M 愈來愈目中無人，當晚見記者到現場探《愛》片班，即時口黑面黑，擺出阿姐款。自從被樂壇前輩容祖兒、陳奕迅先後力讚，G.E.M 開始「鬆毛鬆翼」，就連第一次拍電影，居然監製上身。
「平日G.E.M 嘅髮型會加幾條辮仔，但佢
新戲入面做學生，電影公司想佢換個新形象，唔想見辮仔，但佢試都唔試就一口拒絕，仲話寧願唔拍唔賺錢都唔肯變髮型，經理人公司都冇佢辦法，事關部戲因為佢已經延遲咗開拍日期，電影公司唯有讓步，唔想再
時間。」知情者說。
去年十二月，G.E.M 被拍得跟有「嶺南陳奕迅」之稱的男友Aaron 行街食飯，之後又到男友位於天后寓所過夜，不過被斷正的她，例牌否認二人關係，只表示係好好嘅朋友。
G.E.M 十分識做，跟陳奕迅在《勁歌金曲》合唱，唱完即與Eason 齊齊扮金魚做得意妹，完全知道點樣搶鏡。
平日跳跳紮的G.E.M ，叫她擺甫士影相，可以即時做一字馬，犀利。
一手提拔G.E.M 的經理人張丹（右），之前跟男子組合Soler 發生合約問題，鬧上法庭，最後張丹勝訴獲賠償五百多萬。○六年未出問題時，三人在演唱會慶功宴上切蛋糕。
以一年年資就被校長邀請做《左麟右李》演唱會嘉賓，G.E.M 都算幸運，在台上表演時亦無失禮，十分夠氣。
今年一月，有報導指新人王G.E.M 無大無細寸楊千嬅唱歌屎，她誓神劈願堅持被屈，更搵唱片公司同事跟千嬅解釋，不過千嬅就未有任何回應。
男友大晒
一直投訴工作量過多、無時間休息的G.E.M ，早前向經理人扭計，要求放完長假才開工拍戲，令《愛》片拍攝日期延遲。要風得風，據知在拍攝現場，G.E.M 更加有恃無恐，不斷逼其他演員陪佢玩啤牌，試過有人唔就範，G.E.M 即刻發脾氣唔俾人收工，要全世界遷就佢一個。
「佢好似嘅阿姐咁，同經理人公司講明，一星期六個工作天，點都要有一日休息，每日開工時間唔可以太長，最多八至十個鐘。早排嗱完獎，好多人送上門搵佢做嘢，G.E.M 試過一日內連續做咗十幾個鐘，佢嬲到即刻打電話狂鬧阿Tan （經理人張丹），問係咪想做死佢，大家都知巿道唔好，佢仲嫌三嫌四。」
工作密麻麻其實都係次要，最大問題係只得十七歲的G.E.M ，原來已經有個就讀嶺南大學副學士的男友Aaron ，難怪有工唔願開，寧願去拍拖。「G.E.M 一收工就顧住陪男朋友，成日驚無時間拍拖，就算經理人叫佢乖嘅，都當耳邊風，總之佢鍾意點就點，完全唔放經理人在眼內。」知情者說。
鄧紫棋（G.E.M ）
年齡：17
唱片：G.E.M （銷量逾五千）
取得獎項：叱
樂壇女新力軍金獎
勁爆女新人王
十大勁歌金曲女新人金獎
港台十大中文金曲新人銀獎
拍過電影《保持愛你》，《愛出貓》（拍攝中）
