Sure Win ！（設計對白）
阿嬌三月回歸，外間反應暫時係未知之數，但家陣有張茆墊底，定喎！
近排盛傳阿嬌鍾欣桐東山復出，三月初會以牛仔褲品牌代言人作回歸第一炮。
八珍聽二五講，阿嬌今次回歸，都係賭鋪大細，但求外界對佢高抬貴手，俾條路佢行，走出「淫照」困局。
會唔會買大開細？八珍初時都咁諗，但睇完班網友投票，發覺未必無彎轉。
網民舉行阿嬌vs 張茆投票，睇吓支持邊個復出多嘅，雖然阿嬌以過半數支持勝出，但有網民話，兩女同樣鍾意搞人男朋友，第三者點都唔抵幫。
與倪震啜爆成名嘅張茆，早前
blog 中強調，無意向娛樂圈發展，點知轉個頭俾人踢爆今個暑假會
海口電視台主持綜藝節目，介紹飲食同潮流，女人最叻講過唔算數。
事關早前誓神劈願，只想讀書、無意入娛樂圈嘅張茆，居然反口
佢鄉下海南省嘅海口電視台擔任綜藝節目主持，於是網民發起阿嬌vs 張茆投票，究竟支持邊個復出多嘅。點票結果，網民認為阿嬌起碼比張茆坦白，唔會講過唔算數，天真同傻最後獲半數人支持復出，呢個非正式數據，應該可以幫阿嬌壯吓膽。
