摸手
小天捉住曾愷玹隻手索一索，就懶肯定咁話揀中咗，曾愷玹笑住話：「我都不知自己隻手有味呀，他很厲害。」
星皓出品嘅台灣電影《愛到底》有𡃁妹至愛阮經天同台灣女神曾愷玹擔正，加埋翻生七仔范逸臣同劉心悠成班靚仔靚女個別演嘅4 段愛情故事，好想睇咩？《FACE 》就大面喇，家陣送出2,500 張換票證益讀者，剪低印花咪蝕底呀！
熊抱
摸完手後，小天唔夠喉，仲主動同曾愷玹嚟個熊抱。小天攬得肉緊，可惜曾愷玹就笑得尷尬。
講番阮經天，週日（22 日）就同一班演員再殺入觀塘apm 玩吓遊戲為首映造勢，要小天瞇埋眼喺成班女仔入面揀番佢戲入面嘅女友曾愷玹出嚟，佢竟然捉住班女仔隻手仔係咁索。
小天事後解釋：「我戲中只跟曾愷玹有對手戲，佢一向有塗hand cream 的習慣，所以我聞一聞就認出她。」嘩，用邊隻hand cream 都記得，小天下次開戲可以做埋神犬拉茜喎！
聞手認得出曾愷玹前，小天先向同佢冇對手戲嘅周采詩埋手，捉住佢雙玉手
低身係咁聞。小心俾人話「鹹豬鼻」喎！
狂食當日宣傳由apm 贊助，出場前大會安排一班演員喺apm 食上海菜醫肚，只見范逸臣食完一碟上海粗炒同小籠包都唔夠喉，之後再order 多一客窩貼，睇嚟佢都好肚餓喎！
高炒除咗曾愷玹，去台灣發展嘅日模Makiyo 亦好搶鏡，當日喺住緊身背心嘅佢，35D 上圍成焦點，離場時唔只被fans 圍，仲有龍友對準佢個咪高炒，離譜嘅喎！
