因為跟倪震偷啜成名的城大21 歲女學生張茆（Miffty ）上月初由家鄉海南島秘密返港復課，一度扮低調避傳媒之餘仲誓神劈願發聲明話無意做明星。但姣婆不能守寡，張茆最近「執」好靚樣，大晒身材，為海南島海口市節目《活色生香每一天》主持試鏡，仲重新開blog 晒艷照。
據知，張茆星光大道全靠自己鋪橋搭路，由弟弟的女友穿針引線，誓要向傳聞有餡的周慧敏示威。
S 腰反擊由海南島殘爆回港，張茆重執靚樣，日前喺佢國內重開嘅「校內網」blog 內，再有張茆S 腰索相流出，莫非為入娛圈打響頭炮？
6/2 執靚樣回歸返港暴脹嘅張茆喺又一城Fancl House 大掃護膚及化妝品，主攻眼部化妝，行足4 粒鐘，仲特別問sales ：「哪一款可以畫大一點？」出鏡係要姿整嘅嘅。
未落實用張茆細佬女友孫晨於海口做𡃁模，跟當地電視台關係良好的朋友推薦了張茆，上週一（16 日）張茆到海口電視台的新經視頻道潮流節目《活色生香每一天》做外景主持進行casting ，介紹潮流資訊，節目監製郭生接受本刊記者訪問，大讚張茆上鏡：「佢身形和樣貌都好標致，好有潛質，但我們還未確認她（張茆）正式被錄用，只可以肯定她很有興趣在下半年畢業後到本台實習做主持。」
張茆當日喺海口百匯城的外景試鏡好有自信，但比起佢嘅硬照索樣，仲係差好遠囉！
部署回歸，張茆日前重開其國內版facebook 「校內網」，其胞弟女友孫晨仲貼出海口電視台嘅招聘（下圖）。
網友大彈張茆出爾反爾做電視主持，仲度埋橋叫佢訪問倪生，又係綽頭喎。
拖倪震接招張茆有出路，倪生倪太婚後繼續晒恩愛，上星期六（21 日）晚，兩人喺中環拍拖，倪震揸住新買市值18 萬嘅古董Benz 跑（右上）載住傳懷有2 個月BB 嘅周慧敏返跑馬地金山花園愛巢，全程十指緊扣，繼續做大龍鳳。
