胡杏兒和緋聞男友黃宗澤（Bosco ）前晚「拍拖」睇騷，同場還有傳與杏兒家姐「高妹」關係親密的樂壇新人陳詩慧，三人行猶如一家人，但卻齊齊否認約埋睇騷，無私顯見私。無
音樂製作人鄧智偉前晚在演藝學院開騷，杏兒、Bosco 、陳詩慧、關菊英、農夫、李思捷、朱凱婷、薛凱琪及徐子珊等捧場，一班無
藝人在開場前齊齊到達，Bosco 否認約埋杏兒睇騷，只是捧智偉場，但讚她是睇騷好partner ，不過，合照時杏兒表現有點尷尬，Bosco 笑說：「我好大方，女仔怕醜啲。」
雖然有傳杏兒家姐和陳詩慧關係密切，但兩人不避忌排排企，杏兒說：「家姐冇嚟。（家姐有冇拍拖？）呢啲唔使大家關心。」
有女記者問詩慧是否約杏兒睇騷？她說：「乖豬，唔關事。（傳你包養杏兒家姐？）你信唔信，唔好傻豬，唔係真，呢啲新聞幾特別，即刻吸引好多妹妹仔。」
卓韻芝驚喜泡湯
此外，問卓韻芝怎和男友慶祝首個情人節？她沒好氣說：「本來send 短訊指示佢攞禮物，但佢冇交台費，畀人cut 電話，搞到冇晒surprise 。」而薛凱琪就單拖撐場，被取笑冇護花使者時，她說：「自己喜好唔mind 一個人嚟。」
文：音樂組
黃宗澤氣定神閒，何事胡杏兒卻尷尬狀似走避呢？
卓韻芝和男友ＭＪ首個情人節的驚喜氣氛因技術問題被破壞了。
