鍾欣桐（阿嬌）因淫照事件而被迫暫別娛圈一年多，她已鐵定於下月全面復出。阿嬌的好拍檔蔡卓妍（阿Sa ）前晚演出《勁歌金曲》時透露近日不斷為阿嬌復出作心理輔導，更親身做角色扮演和阿嬌綵排日後面對外界時的情況。
去年初鍾欣桐因為爆出淫照事件而被迫暫別娛圈，經過一年時間沖淡，她將於下月全面復出，頭炮將出席代言牛仔褲活動及接受《志雲飯局》訪問。
阿嬌（左）即將全面復出面對傳媒，阿Sa 更為她作角色扮演綵排。資料圖片
哈林和新人王G.E.M.即場對唱，表演唱功。
拍咀戲頭擰擰
前晚阿嬌好拍檔兼好姊妹蔡卓妍到將軍澳電視廣播城演出《勁歌金曲》，對於有傳白龍王批若阿Sa 和阿嬌再一同唱歌，阿Sa 必會被阿嬌拖累，對此阿Sa 說：「唔好講呢啲住，我點都好支持佢復出，我有同佢講出嚟之後可能要面對嘅問題，我又同佢做心理輔導同畀定心理準備佢，佢都好明白，我又成日角色扮演同佢綵排。」至於阿嬌反應如何？阿Sa 直說：「都係有啲緊張，不過都係人之常情。」有消息指阿嬌有可能要為淫照案出庭，阿Sa 表示沒聽過，阿嬌也沒有提起。另外，阿Sa 早前和賀軍翔為偶像劇《呼叫大明星》拍咀戲，她坦言為此緊張半日，因為她已很久沒有拍咀戲，拍兩次便順利完成，阿Sa 笑說：「我記得拍時係闔埋眼同頭擰擰。」主持崔建邦近日傳他借前女友唐詩詠媽咪過身而翻兜女方，對此他說：「我哋都從來冇話一齊或分手，但佢媽咪過咗身係事實，我會幫佢手搞身後事。」崔建邦表示唐詩詠心情已平復，會多些關心她，但再問到兩人關係時，崔建邦依然死口不認說：「佢係我好好嘅朋友。」同場的庾澄慶一提到和老婆伊能靜的關係時，即笑笑口急步離開。
呂慧儀搶晒鏡
呂慧儀身穿低胸晚裝經過，驕人身材令人眼前一亮。
此外，呂慧儀前晚在電視城出現，她身穿低胸晚裝拍攝新一輯《謎》，展露驕人身材，成功搶鏡。採訪：卓寶花攝影：陳順禎
阿Sa 推出新碟，前晚她即場演唱新歌《二缺一》。
from
http://appledaily.atnext. ... art_id=12272975
