內地最具影響力、體育人物評選活動之一嘅2008CCTV 體壇風雲人物頒獎盛典，前晚喺中央電視台舉行，11項獎名花有主，因為舊年北京奧運嘅開幕同閉幕禮精采絕倫，所以著名導演張藝謀獲評委會特別獎，張大導領獎後好開心咁接受訪問話：「這次是我人生中最大挑戰，沒有比這個更大的挑戰！」呢個頒獎禮真係有人歡喜、有人愁，因為準備嫁入霍家做新抱仔嘅跳水王后郭晶晶，佢都有兩個獎提名，分別係最佳女運動員、年度最佳組合，可惜冇獎，搞到郭晶晶好冇癮。
晶晶冇癮速撇
郭晶晶喺體壇風雲人物頒獎禮上，失落獎項認真無癮。資料圖片
本來晶晶一身盛裝打扮，佢化濃妝，一套紅色小低胸晚裝示人，為咗保暖加咗小披肩，佢又出動咗閃閃生輝嘅配飾，一身富泰貴婦look ，可能佢諗住捧獎而回，所以佢同拍檔吳敏霞有講有笑，好風騷，不過當知道得個桔之後，郭晶晶等唔切頒獎禮完場就走人，當有傳媒追訪佢嘅近況時，郭晶晶cool 爆咁話：「已經恢復訓練了。」之後就溜之大吉。
張藝謀喺體壇風雲人物頒獎禮中獲頒評委會特別獎。
from
http://appledaily.atnext. ... art_id=12272951
