以同公司有好長時間合約，有大量工作計劃，否定今年年中與丁子高上海結婚的楊千嬅，近日再傳喜訊，與資生堂續約一年，更晉級成為亞洲區代言人，品牌更在上月底於日本舉行大型記者會，公布由楊千嬅取替大中華代言人周慧敏的一姐地位。
相反，周慧敏受倪震溝女所累，玩完分手玩結婚，依然全面配合，負面新聞令形象插水，以致合作多年，過往逢每年三月都會與資生堂續新合約，但至今仍無喺落，地位岌岌可危。
形象健康的楊千嬅，踢走周慧敏成為亞洲區代言人，早前資生堂更派員來港為千嬅拍攝宣傳照。
一月底，千嬅飛到日本出席大型記者會，得日本總公司厚待，高層親自獻花。
周慧敏嫁賤男倪震，搞到形象插水，廣告飯碗亦保不住。
三百萬一年玉女掌門人周慧敏○四年回流香港，獲日本品牌資生堂邀請擔任代言人一年，酬勞高達三百萬，翌年續新約更再下一城，做大中華代言人。
「Vivian 簽約第一年，佢代言嘅產品，一出就賣斷市，廣告商梗係好滿意，呢兩年冇咗新鮮感，佢對產品銷情幫助無咁大，所以舊年資生堂就簽埋楊千嬅，做香港同大陸區嘅代言人。」知情者說。
去年十二月，倪震與城大校花張茆啜爆新聞大熱，受害者周慧敏卻力撐倪震，更全面配合，與他上演大龍鳳，先是發聲明宣布分手，不足一星期又戲劇性宣布結婚，周慧敏為倪震犧牲尊嚴，同時亦令形象插水。
「嗰陣試過有客喺counter 指住Vivian 嘅海報同職員講，話唔會用呢隻產品，因為佢傻嘅！亦有唔少客人投訴，公眾人物嘅行為，的確會對消費者構成影響。」知情人說。
去年十一月，周慧敏拍攝了這款硬照廣告，原本一月出街大賣雜誌廣告，最終低調推出。
陣腳大亂其實早於去年十一月，周慧敏已經為資生堂拍了新一輯硬照廣告，當時預計一月份出街，倪震十二月被揭偷食，整整一個月搞到滿城風雨，令廣告商陣腳大亂。
「原本資生堂嗰邊計劃好喺雜誌同報紙落廣告大做宣傳，但突然發生咗倪震單嘢，佢哋見外界對Vivian 力撐倪震有彈無讚，即時抽起晒嘅廣告，求其喺counter 換咗Vivian 嘅新廣告相就算！其實周慧敏同廣告商已經合作咗五年，今年八月就滿約，過去每年三月，佢哋都會再續新合約，但今年就到而家仲未有聲氣！」知情人說。
眼見周慧敏未能扭轉逆勢，廣告商順水推舟，將去年才加入資生堂的楊千嬅晉級成為亞洲區代言人。
鄧麗欣曾因牽涉入淫照事件要向資生堂解釋。
嚴選形象屬於國際品牌的資生堂，一向對選擇代言人態度審慎，無論玉女掌門人周慧敏以及大笑姑婆楊千嬅，甚或早年越級拍日本版資生堂廣告的陳慧琳，都因健康形象成為品牌代言人選。
○七年，Stephy 亦以新進玉女搶灘，成為形象大使，不過○八年初爆發陳冠希淫照事件，一時間疑似藝人傳言滿天飛，當時Stephy 所屬的金牌唱片，便曾向資生堂力證與Edison 傳過緋聞的Stephy ，沒有拍攝淫照以平息事件。
去年十一月千嬅與周慧敏出席資生堂宣傳活動，據知周慧敏事前已提出拒與千嬅二人合照，但因活動司儀蘭茜不知情，當二人同資生堂日籍高層影完三人合照後，再安排兩女合影，令Vivian 經理人Ambos 立即衝上台拉走Vivian 。
楊千嬅與日本製作隊開會，商討拍攝程序。
千嬅在日本記者會上，與來自日本、韓國、泰國及台灣代表合照。
同丁子高感情穩定的楊千嬅今年會接拍兩部電影，十一月會在紅館開演唱會，婚訊純屬流料。
企正中間位「上個月底，資生堂喺日本幫千嬅開咗個大型記者會，宣布佢成為新一任亞洲區代言人，連日本總公司高層都親身獻花，泰國、韓國、台灣嘅都有代表飛過去出席記者會，而千嬅就被安排企正中間位。其實咁耐以嚟，連周慧敏都未試過喺日本開過記者會，可想而知，佢好受重視。嚟緊三月會再喺香港四季酒店開記者會，千嬅仲會去大陸、台灣等其他地方出席活動，岩岩嘅情人節，佢就飛咗去日本拍四月份出街嘅電視廣告！」
對於近日傳出會於年中與丁子高結婚，楊千嬅再次否認說：「我今年嘅工作已經排到年底，絕對無結婚計劃！」
雖然合約無明文規定唔准結婚，但代言人身份一旦有變，據知事前亦要先知會廣告商。
「上次周慧敏突然結婚，根本無同廣告商交代過，做老細嘅梗係唔高興啦，不過最重要係代言人嘅形象，呢樣嘢直接影響銷量，如果有乜差池，唔俾人飛先奇！」知情者說。
周慧敏復工出席宣明會尼泊爾探訪記者會時面腫腫。
在金山花園附近出現的倪震亦面容憔悴。
晚節不保二十九歲便退出娛樂圈的周慧敏，玉女形象深入民心，○四年回流復出，替資生堂擔任代言人，合約酬勞高達三百萬，之後更連續四年獲得續約，五年來起碼賺過千萬。不過，去年十二月爆出倪震越軌，周慧敏出面力撐倪震，並配合男友合演大龍鳳，形象一跌不起，原本五月開演唱會計劃胎死腹中，資生堂續約一事又無聲無氣，玉女晚節不保。
