吳家欣（Tanya ）與張震甩拖後，感情受創，有傳她對男人患上恐懼症，轉「性」搭上女同志殺手——有「翻版何韻詩」之稱的樂壇新人王若琪（Takki ），兩人在情人節前夕喪蒲同志吧，Tanya 餵Takki 食32D 波餅。Tanya 因「張震女友」之名在娛樂圈嶄露頭角，雖然擁有32D 波霸身材，但都箍唔住張震，兩年情火速玩完，據知，Tanya 被飛後對男人止步，與她相識三年多的Takki 對她關懷備至，呵護她受創的心靈，兩人發展了一段非一般友誼。
拖手掃背
Takki 外表男仔頭，在女同志圈中廣為人識，在情人節前夕，記者在銅鑼灣發現兩人蹤影，Takki 在某幢大廈門外等埋Tanya 上樓尋歡，據知樓上有間同志吧，Tanya 是常客，記者發現兩女坐在一角飲酒剝花生，耳鬢廝磨，非常溫馨。
兩女傾完密偈，就轉下場行街街，飲了兩杯的Takki ，主動出擊對Tanya 拖手又掃背，兩人入了名店Links睇首飾，親近依偎，但最後都冇收穫，之後兩人又轉場再去露天酒吧飲多轉，Takki 似乎愈夜愈放縱，拖住Tanya 隻手過馬路，表現「風度」，連飲兩場的Tanya ，亦酒精上腦，離去時high 到腳步浮浮，主動向Takki 投懷送抱，將32D巨胸壓向Takki ，當街請食波餅。
死撐好友
事後記者致電Tanya ，問到她與Takki 親熱得如同志，她死撐說：「我醉醉哋，企唔穩挨住佢
，我哋識咗三年幾，係好好朋友，成日一齊去傾偈飲嘢。（親熱得如同志情侶？）總之大家係好朋友。」而Takki 亦說：「我哋係好朋友，大家關心大家，女仔拖手好平常
。」
採訪：音樂組
吳家欣當街攬實王若琪，大送波餅。
王若琪（左）與吳家欣互相依偎著睇首飾。
吳家欣（左）受情創，王若琪相約蒲同志吧。
王若琪（右）傍住吳家欣行，不時掃背拖手。
