張繼聰師妹王若琪（Takki）早前傳出搭上張震舊愛吳家欣（Tanya ），日前兩人不避嫌齊齊到灣仔酒吧欣賞Zarahn 的演出。Takki 不諱言是她親自邀請Tanya ，她說：「我同Tanya 係好朋友，大家食完飯，咪一齊嚟睇騷，我同Zarahn 都係好朋友。」問她可擔心同性緋聞炒得更烈？Takki 就話不擔心，因不是事實，況且如愛一個人就會保護她，今次與她同行就證明緋聞不是真。
至於她是否同性戀者？Takki 大方說：「愛係冇分男、女，我唔會話一定唔鍾意男仔，（咁會唔會鍾意女仔？）我唔知，我身邊好多朋友都係咁（同性戀者），所以我接受到。」Takki 並謂現時沒有拍拖，情人節可能會一個人過，問到為何不約會Tanya ？Takki 就話：「你幫我問佢啦。」
而Tanya 就話不介意同Takki 傳緋聞，因為不是事實，她們口徑一致說：「如果係真，都唔會咁揚啦。」兩人又互爆多人愛，但暫時未搵到對象。
王若琪（右）帶埋吳家欣睇騷，不怕被指「叻女」。
王若琪認為愛是不分男女的。
