惹火錫
我喜歡輕輕吻的感覺，小豬的嘴唇很軟，綿綿的比小天好咀！（真實對白）
周董一手發掘的女神曾愷玹（Alice ）早前孖住台灣天王羅志祥（小豬）拍完廣告拍MV ，啜爆鏡頭搞到成班小豬粉絲「醋」到喺網上勁鬧，要小豬出口叫fans 咪搞事。
不過貴為寶島咀嘴女王的曾愷玹，最近再於新戲《愛到底》中扯啜阮經天，仲要好得戚咁比較話：「小豬嘴唇很軟，綿綿的比小天好咀。」
咦？乜俾人錫唔係女仔蝕底咩？
曾愷玹最近做埋小豬《搞笑》MV 女主角，嗱正牌由上晝8 點錫到凌晨3 點，難怪fans 狂鬧話冇必要咀得咁密。不過MV 暫時只於台灣播放，要睇就要上YouTube 喇！
訪問當日曾愷玹大方講咀仔經，仲模仿最愛嘅「輕吻」樣畀大家睇，死未！
上年曾愷玹同小豬每三個月去泰國拍一次Rejoice 廣告，小豬仲話：「我和曾姓女子暗暗交往一年，今年正式在MV 中公開戀情。」Fans 唔醋有鬼。
要樣靚身材正仲要有品，香港女星好難搵，曾愷玹謙虛話：「外表不重要，內心才可靠！」咁身材呢？
台灣新晉女神曾愷玹蒸餾水形象
掂港台宅男，自然成為女性公敵，上年和羅志祥拍洗頭水廣告已經搞到班小豬fans 起晒火，加上年頭做小豬新歌《搞笑》MV 女主角又三度啜爆，成班豬迷即時眼火爆。
小豬好咀雖然被小豬fans 喺網上開大波，不過曾愷玹咀勻中港台靚仔男星，貴為台灣咀嘴女王梗係唔會俾你班fans 影響，曾愷玹仲撥行火話小豬最好咀。
曾愷玹說：「我喜歡輕輕吻的感覺，好像在小豬MV 其中的goodbye kiss 般溫馨；吵架後的吻應該要激情一點，跟小天拍《愛到底》就有這種感覺。拍的時候我會當他們是男朋友，我跟小豬拍MV 共拍了18 小時，錫了50 多次才ok ，感覺小豬的嘴唇很軟，綿綿的，比小天好咀！」
咀慣咀熟唔使怕醜，連阮經天都大讚曾愷玹夠專業：「我跟她拍戲第一天就要親對方，但她很大方呀，只NG 了兩三次吧！」人哋台灣妹幾大方，你班港女掂吓都話鹹豬手，死得啦！
小天咀戲技術最棒，最激烈。（真實對白）
技巧錫
26 號上畫新戲《愛到底》由四個單元組成，其中一個單元由阮經天同曾愷玹擔正，當中亦有兩場咀戲，曾說：「拍咀戲之前也會用漱口水和香口珠，這是尊重。」
跟周董咀只是點到即止，NG 6 次以後，他的臉已通紅了。（真實對白）
面紅錫
首次拍戲已經同周杰倫咀，不過曾愷玹就話周董原來好怕醜。
在內地拍劇時間長，跟黃覺熟了來得自然一點。（真實對白）
熟手錫
上年11 月搵開台幣嘅曾愷玹殺入祖國拍《愛．盛開》搵埋人仔，內地初吻就咁畀咗專拍民初片、有民初王之稱的內地男星黃覺。
William 岩嘴形
記者將幾位港仔男星，包括有陳豪、黃宗澤、林
、魔術男蔡子健同Angelababy 男友陳偉霆（William ）畀曾愷玹揀心目中型男，女神揀咗5 分鐘，最後揀中陳偉霆，曾愷玹即答：「Oh ！I am sorry ！我比較喜歡運動型的男生。」Baby 睇緊嘅呀！
